തൃശൂര്: ഇരട്ട വോട്ടിന് പിന്നില് കോണ്ഗ്രസുകാരാണെന്ന് പറഞ്ഞ മുഖ്യമന്ത്രി പിണറായി വിജയനെ വിമര്ശിച്ച് പ്രതിപക്ഷ നേതാവ് രമേശ് ചെന്നിത്തല. മുഖ്യമന്ത്രി കൂടി അറിഞ്ഞുകൊണ്ടാണോ വോട്ടര്പട്ടികയില് കള്ളവോട്ടുകള് ചേര്ക്കപ്പെട്ടതെന്ന് ആരെങ്കിലും സംശയിച്ചാല് അവരെ കുറ്റപ്പെടുത്താന് സാധിക്കില്ലെന്നും ചെന്നിത്തല തിരിച്ചടിച്ചു.
വ്യാജ വോട്ടര്മാരെ ഉപയോഗിച്ച് തിരഞ്ഞെടുപ്പിനെ അട്ടിമറിക്കാനുള്ള നീക്കങ്ങളാണ് നടക്കുന്നത്. വട്ടിയൂര്ക്കാവ്, നേമം, തിരുവനന്തപുരം എന്നീ മൂന്ന് മണ്ഡലങ്ങളില് വ്യാപകമായി വ്യാജ വോട്ടര്മാര് കയറികൂടിയിട്ടുണ്ട്. തങ്ങളുടെ പേരില് വ്യാജ വോട്ടര്മാരെ സൃഷ്ടിച്ച വിവരം യഥാര്ത്ഥ വോട്ടര്മാര് അറിയുന്നില്ല. കമ്മീഷന് നല്കിയ യഥാര്ത്ഥ തിരിച്ചറിയല് കാര്ഡ് മാത്രമേ അവരുടെ കൈവശമുണ്ടാകൂ. പിന്നില് വോര്ട്ടര് പടടിക തയാറാക്കിയ ഉദ്യോഗസ്ഥരുടെ ഒത്താശ കാണും.
സിപിഎം അനുഭാവികളായ ഉദ്യോഗസ്ഥര് വ്യാപകമായ തോതില് ഇത്തരത്തില് വോട്ടര്പട്ടികയില് ക്രമക്കേടുകള് ചെയ്തു. ഒരേ മണ്ഡലത്തില് തന്നെയുള്ള ഇരട്ടവോട്ടുകളും അന്യ മണ്ഡലക്കാരായ വ്യാജ വോട്ടര്മാരും കൂടി ചേരുമ്പോള് വ്യാജ വോ്ടര്മാരുടെ എണ്ണം ഭീമമായി ഉയരും. തിരഞ്ഞെടുപ്പ് ഫലത്തെ ഇത് അട്ടിമറിക്കുമെന്നും ചെന്നിത്തല ചൂണ്ടിക്കാട്ടി. വ്യാജ തിരിച്ചറിയല് കാര്ഡ് അനുവദിച്ചത് നശിപ്പിക്കുകയോ അതല്ലെങ്കില് അസാധുവാക്കാനുള്ള നടപടികള് സ്വീകരിക്കണമെന്നും ചെന്നിത്തല ആവശ്യമുയര്ത്തി.
