കൊല്ക്കത്ത: ഒന്നാം ഘട്ട തെരഞ്ഞെടുപ്പ് നടന്നുകൊണ്ടിരിക്കുന്ന പശ്ചിമ ബംഗാളില് ഹാല്ദിയ എസ്പി യ്ക്ക് എതിരേ നന്ദിഗ്രാമിലെ ബിജെപി സ്ഥാനാര്ത്ഥിയും തൃണമൂല് നേതാവും മുഖ്യമന്ത്രിയുമായ മമതാ ബാനര്ജിയുടെ മൂന് വലംകൈയ്യുമായിരുന്ന സുവേന്ദു അധികാരി. ബംഗാള് തെരഞ്ഞെടുപ്പ് അട്ടിമറിക്കാനും കൃത്രിമം കാണിക്കാനും അക്രമം ചെയ്യാനും നടക്കുന്ന പ്രവര്ത്തനങ്ങള്ക്ക് ചുക്കാന് പിടിക്കുന്നത് ഹാല്ദിയ അഡീഷണല് എസ്.പി.യാണെന്നാണ് ആരോപണം. ഇദ്ദേഹത്തെ മാറ്റണമെന്ന് ആവശ്യപ്പെട്ട് തെരഞ്ഞെടുപ്പ് കമ്മീഷന് കത്തുനല്കി.
നന്ദീഗ്രാമില് മമതാബാനര്ജിക്കെതിരേയാണ് സുവേന്ദു അധികാരി മത്സരിക്കുന്നത്. ഹാല്ദിയ അഡീഷണല് എസ്പി പാര്ത്ഥഘോഷ്, ഹാല്ദിയ എസ്ഡിപിഒ ബരുണ്ബൈദ്യ, നന്ദീഗ്രാം പോലീസ് സ്റ്റേഷനിലെ ചില ഉദ്യോഗസ്ഥര് എന്നിവരെയെല്ലാം സസ്പെന്റ് ചെയ്യണം എന്നാണ് ആവശ്യപ്പെട്ടിരിക്കുന്നത്. തൃണമൂല് അംഗങ്ങളെ സഹായിക്കാന് ഇവര് തെരഞ്ഞെടുപ്പ് അട്ടിമറിക്കുമെന്നും അന്യായവും നിയമവിരുദ്ധവുമായ പ്രവര്ത്തനങ്ങള് ചെയ്യുമെന്നുമാണ് ആരോപണം. തെരഞ്ഞെടുപ്പ് ഫലങ്ങളെ തൃണമൂല് ഭയപ്പെടുന്നത് കൊണ്ടാണ് വഴിവിട്ട് പ്രവര്ത്തിക്കുന്നതെന്നാണ് ആരോപണം.
149 ാം നമ്പര് ബൂത്തില് വോട്ടു ചെയ്യാനെത്തിയവരെ തടഞ്ഞെന്നും സ്വാധീനിക്കാന് ശ്രമിച്ചെന്നുമാണ് സുവേന്ദുവിന്റെ സഹോദരന്റെ ആരോപണം. പുരുലിയ ഝാര്ഗ്രാം, ബംഗുര, പൂര്വ മെഡിനിപ്പൂര്, പശ്ചിം മെഡിനിപൂര് തുടങ്ങിയ ജില്ലകളിലെ 30 സീറ്റിലേക്കാണ് ആദ്യ ഘട്ട വോട്ടെടുപ്പ് നടക്കുന്നത്. 21 സ്ത്രീകള് ഉള്പ്പെടെ 191 സ്ഥാനാര്ത്ഥികളാണ് ഇവിടെ മത്സരിക്കുന്നത്. ബിജെപിയ്ക്കെതിരേ ഇത്തവണ ടിഎംസി- കോണ്ഗ്രസ് ഇടതു സഖ്യങ്ങള് ഒരുമിച്ചാണ് മത്സരിക്കുന്നത്. കഴിഞ്ഞ തവണ ഇവിടുത്തെ 30 ല് 26 സീറ്റുകളും ടിഎംസി ആയിരുന്നു പിടിച്ചത്.
