ഈ മാസം 19നാണ് ഇൻ ശ്രേണിയിലെ മൂന്നാമൻ ഇൻ 1-നെ ഇന്ത്യൻ സ്മാർട്ട്ഫോൺ ബ്രാൻഡായ മൈക്രോമാക്സ് അവതരിപ്പിച്ചത്. ബഡ്ജറ്റ് സ്മാർട്ട്ഫോൺ വിപണിയിൽ അവതരിപ്പിച്ചിരുക്കുന്ന ഇൻ 1 ഇപ്പോൾ ഓൺലൈൻ ആയി വാങ്ങാം.
ഇൻ നോട്ട് 1, ഇൻ 1b സ്മാർട്ട്ഫോണുകൾക്കിടയിലാണ് ഇൻ 1 പൊസിഷൻ ചെയ്തിരിക്കുന്നത്. ഇൻ 1-ന്റെ 4 ജിബി റാം + 64 ജിബി സ്റ്റോറേജ് പതിപ്പിന് 10,499 രൂപയും 6 ജിബി റാം + 128 ജിബി സ്റ്റോറേജ് പതിപ്പിന് 11,999 രൂപയുമാണ് വില. റിപ്പോർട്ട് പ്രകാരം ലോഞ്ചിന്റെ ഭാഗമായി കുറച്ച് ദിവസത്തേക്ക് 4 ജിബി റാം പതിപ്പ് 9,999 രൂപയ്ക്കും, 6 ജിബി റാം പതിപ്പ് 11,499 രൂപയ്ക്കും സ്വന്തമാക്കാം. നീല, പർപ്പിൾ നിറങ്ങളിൽ ഫ്ലിപ്കാർട്ട്, മൈക്രോമാക്സ് വെബ്സൈറ്റുകളിലൂടെ മൈക്രോമാക്സ് ഇൻ 1 വാങ്ങാം.
20:9 ആസ്പെക്റ്റ് റേഷ്യോ, 91.4 ശതമാനം സ്ക്രീൻ-ടു-ബോഡി അനുപാതം, 400 നിറ്റ്സ് പീക്ക് ബ്രൈറ്റ്നസ് എന്നിവയുള്ള 6.67 ഇഞ്ച് ഫുൾ എച്ച്ഡി + (1,080x, 2,400 പിക്സൽ) ഡിസ്പ്ലേയാണ് ഫോണിന്. സ്റ്റോക്ക് ആൻഡ്രോയിഡ് 10-ൽ പ്രവർത്തിക്കുന്ന ഡ്യുവൽ സിം സ്മാർട്ട്ഫോൺ ആയ മൈക്രോമാക്സ് ഇൻ 1-ന് ആൻഡ്രോയിഡ് 11 ലേക്കുള്ള അപ്ഗ്രേഡ് കമ്പനി വാഗ്ദാനം ചെയ്യുന്നുണ്ട്ണ്ടെന്നാണ് സൂചന. ഫോണിന്റെ കരുത്ത് ഒക്ടാകോർ മീഡിയടെക് ഹെലിയോ G80 SoC പ്രോസസ്സർ ആണ്. മൈക്രോ എസ്ഡി കാർഡ് വഴി 256 ജിബി വരെ വർദ്ധിപ്പിക്കാവുന്ന 128 ജിബി സ്റ്റോറേജ് ആണ് ഫോണിലുള്ളത്.
18W ഫാസ്റ്റ് ചാർജിംഗിനെ പിന്തുണയ്ക്കുന്ന മൈക്രോമാക്സ് ഇൻ 1-ൽ 5,000 എംഎഎച്ച് ബാറ്ററിയാണ്. 48 മെഗാപിക്സൽ പ്രൈമറി സെൻസർ, ഡെപ്ത് ഫീൽഡിനായി 2 മെഗാപിക്സൽ സെൻസർ, 2 മെഗാപിക്സൽ മാക്രോ ക്യാമറ എന്നിവ ഉൾപ്പെടുന്ന ട്രിപ്പിൾ ക്യാമെറായാണ് മൈക്രോമാക്സ് ഇൻ 1-ന്. 8 മെഗാപിക്സൽ സെൽഫി ക്യാമറ യും ലഭിക്കുന്നു. കണക്ടിവിറ്റി ഓപ്ഷനുകളായി ഡ്യുവൽ-ബാൻഡ് വൈ-ഫൈ, 4ജി, ഡ്യുവൽ-വോൾട്ടി, ഡ്യുവൽ-വോവിഫൈ, ബ്ലൂടൂത്ത് 5.0, ജിപിഎസ്, യുഎസ്ബി ടൈപ്പ്-സി പോർട്ട് എന്നിവയാണ്.
