ശ്രീചിത്ര ആശുപത്രിയില്‍ കോവിഡ് ബാധയെത്തുടര്‍ന്നു ഹൃദയ ശസ്ത്രക്രിയകള്‍ നിലച്ചു

തിരുവനന്തപുരം : തിരുവനന്തപുരം ശ്രീചിത്ര ആശുപത്രിയില്‍ കോവിഡ് ബാധയെത്തുടര്‍ന്നു ഹൃദയ ശസ്ത്രക്രിയകള്‍ നിലച്ചു. ശസ്ത്രക്രിയയ്ക്കു പ്രവേശിപ്പിച്ച ഏഴു രോഗികള്‍ക്കും രണ്ടു ജീവനക്കാര്‍ക്കും രോഗബാധ സ്ഥിരീകരിച്ചതോടെ ഹൃദയ ശസ്ത്രക്രിയ വിഭാഗം അടച്ചു. 

സംസ്ഥാനത്ത് കോവിഡ് വാക്സീൻ ക്ഷാമം രൂക്ഷമായി തുടരുകയാണ്. ആകെയുണ്ടായിരുന്ന 3 ലക്ഷത്തോളം ഡോസിൽ ഒരു ലക്ഷത്തോളം ഇന്നലെ ഉപയോഗിച്ചു.

ദിനം പ്രതിയുള്ള രോഗികളുടെ എണ്ണത്തിലും വർധന രേഖപെടുത്തുന്നു. രാജ്യത്തെ സ്ഥിതി അതിസങ്കീർണമാകുകയാണ്. മറ്റു സംസ്ഥാനങ്ങളിൽനിന്നു കേരളത്തിലേക്കു വരുന്നവർക്കു സർക്കാർ ആർടിപിസിആർ പരിശോധന നിർബന്ധമാക്കി. പരിശോധന നടത്തിയില്ലെങ്കിൽ 14 ദിവസം മുറികളിൽ ഐസലേഷനിൽ കഴിയണം.