ഫ്രഞ്ച് വാഹന നിര്മാതാക്കളായ റെനോയുടെ എസ്.യു.വി. മോഡലായ ഡസ്റ്ററിന്റെ പുതുതലമുറ മോഡല് തത്കാലം ഇന്ത്യയില് എത്തിയേക്കില്ലെന്ന് റിപ്പോർട്ട്. ഡസ്റ്ററിന്റെ പുതുതലമുറ മോഡല് 2023-ല് ആഗോള തലത്തില് അവതരിപ്പിക്കുമെന്നാണ് റിപ്പോർട്ട്. എന്നാല്, പുതുതലമുറ മോഡല് തത്കാലം ഇന്ത്യൻ നിരത്തുകളിൽ പുറത്തിറക്കേണ്ട എന്നാണ് റെനോ മേധാവികളുടെ അഭിപ്രായം.
ഡസ്റ്ററിന്റെ പുതുതലമുറ മോഡല് 2019-ലാണ് ഇന്ത്യയില് എത്തിയത്. മൂന്നാം തലമുറയില് പെട്ട വാഹനമാണിതെന്നും ഈ മോഡല് ഇന്ത്യയില് തുടരുമെന്നാണ് റിപ്പോർട്ട്. റെനോയുടെ ഡാസിയ ഡെസ്റ്റര് എന്ന മോഡല് ഒരുക്കിയത് ഈസ്റ്റേണ് യൂറോപ്പ്, ബ്രസീല് തുടങ്ങിയ രാജ്യങ്ങളാണ്. പിന്നീട് ഈ വാഹനം റെനോ ഡസ്റ്റര് എന്ന പേരില് മറ്റ് പല രാജ്യങ്ങളിലും അവതരിപ്പിച്ചു. ഇന്ത്യ ഉള്പ്പെടെയുള്ള വിപണിയില് ഡാസിയ ഡസ്റ്ററിന്റെ ഡിസൈനിലുള്ള വാഹനങ്ങളായിരിക്കും പുതുതലമുറ മോഡലായി എത്തിക്കുകയെന്നായിരുന്നു റിപ്പോര്ട്ടുകള്.
ഘട്ടംഘട്ടമായി ആണ് റെനോ വാഹനങ്ങള് ഇന്ത്യയില് എത്തിക്കുന്നത്. ഡസ്റ്റര് ആദ്യം എത്തിച്ചു. പിന്നാലെ ക്വിഡ്, ട്രൈബര്, ഇപ്പോള് കൈഗര് എന്നിങ്ങനെയാണ് വാഹനങ്ങള് ഇന്ത്യയില് എത്തിച്ചിരിക്കുന്നത്. പുതിയ ഡസ്റ്ററും വിപണി വിലയിരുത്തിയ ശേഷമെത്തിക്കുമെന്നും എത്തുക എന്ന് കമ്പനി അറിയിച്ചു. ഡസ്റ്റര്, ക്വിഡ്, ട്രൈബര്, കൈഗര് എന്നീ നാല് മോഡലുകളാണ് റെനോ ഇന്ത്യന് വിപണിയില് എത്തിച്ചിട്ടുള്ളത്. റെനോ തങ്ങളുടെ പരിമിതമായ മോഡലുകളുടെ അകമ്പടിയില് മികച്ച പ്രകടനമാണ് വിപണിയിൽ കാഴ്ചവയ്ക്കുന്നത്.
