ന്യൂഡല്ഹി : കേന്ദ്രസര്ക്കാരിന്റെ വാക്സിന് നയങ്ങള്ക്കെതിരെ നിരവധി വിമര്ശനങ്ങല് ഇതിനോടകം മാധ്യമങ്ങള് ചര്ച്ച ചെയ്തു കഴിഞ്ഞു. എന്നാല് മോദി വിരുദ്ധ പോസ്റ്ററുകല് പതിപ്പിച്ചതിന് ഡല്ഹിയില് അറസ്റ്റ് നടത്തിയ സംഭവത്തില് പ്രതികരിച്ച് കോണ്ഗ്രസ് നേതാവ് രാഹുല് ഗാന്ധി. മോദിയെ വിമര്ശിച്ചതിന് തന്നെയും ് അറസ്റ്റ് ചെയ്യു എന്നാണ് രാഹുല് തന്റെ ട്വിറ്ററില് കുറിച്ചിരിക്കുന്നത്.
മോദിജി എന്തു കൊണ്ടാണ് നമ്മുടെ കുട്ടികള്ക്കുള്ള വാക്സിന് വിദേശത്തേക്ക് നല്കുന്നത് എന്ന് ചോദിച്ചുകൊണ്ടാണ് രാഹുലിന്റെ ട്വീറ്റ്. എന്നെയും അറസ്റ്റ് ചെയ്യു എന്നും ട്വീറ്റ് പറയുന്നു.
നഗരത്തില് മോദി വിരുദ്ധ പോസ്റ്ററുകള് കണ്ട സംഭവത്തില് 15 പേര് അറസ്റ്റില്. സര്ക്കാരിന്റെ വാക്സിന് നയം ചോദ്യം ചെയ്താണ് ഡല്ഹിയിലെ വിവിധയിടങ്ങളില് പോസ്റ്ററുകള് പ്രത്യക്ഷപ്പെട്ടത്. പോസ്റ്ററുകള് സംബന്ധിച്ച് വ്യാഴാഴ്ച ലഭിച്ച വിവരത്തിന്റെ അടിസ്ഥാനത്തില് അറസ്റ്റ് രേഖപ്പെടുത്തുകയും, എഫ് ഐ ആറുകളും രജിസറ്റര് ചെയ്തു.
നമ്മുടെ കുട്ടികള്ക്ക് ലഭിക്കേണ്ട വാക്സിനുകള് എന്തിനാണ് മോദിജീ നിങ്ങള് വിദേശത്തേക്ക് കയറ്റി അയച്ചത്. എന്നായിരുന്നു പോസ്റ്ററുകളില് പ്രത്യക്ഷപ്പെട്ട വാചകം. ഇതുമായി ബന്ധപ്പെട്ട് കൂടുതല് അന്വേഷണം നടക്കുകയാണ്.
