റിയൽമി X7 മാക്സ് 5ജിയുടെ ലോഞ്ച് ഈ മാസം 31ന് ക്രമീകരിച്ചതായി റിയൽമി ഇന്ത്യ, യൂറോപ്പ് സിഇഓ മാധവ് സേത്ത് വ്യക്തമാക്കി. റിയൽമി 8 5ജി, റിയൽമി X7 5ജി, റിയൽമി X7 പ്രോ 5ജി, റിയൽമി നാർസോ 30 പ്രോ 5ജി, റിയൽമി X50 പ്രോ 5ജി എന്നിങ്ങനെ അഞ്ച് 5ജി ഫോണുകളുള്ള വിശാലമായ ശ്രേണിയിൽ ആറാമനായി ആണ് റിയൽമി X7 മാക്സ് 5ജി എത്തുന്നത്.
റിയൽമി X7 മാക്സ് 5ജി ഫോണുമായി ബന്ധപ്പെട്ട കൂടുതൽ വിവരങ്ങളും മാധവ് പുറത്ത് വിട്ടിട്ടുണ്ടെന്നാണ് റിപ്പോർട്ട് . മീഡിയടെക് ഡൈമെൻസിറ്റി 1200 SoC പ്രോസസറുമായി ഇന്ത്യയിൽ വില്പനക്കെത്തുന്ന ആദ്യ സ്മാർട്ട്ഫോൺ ആണ് റിയൽമി X7 മാക്സ് 5ജി. 65W ഫാസ്റ്റ് ചാർജിംഗിനെ പിന്തുണയ്ക്കുന്ന 4,500 എംഎഎച്ച് ബാറ്ററിയാവും റിയൽമി X7 മാക്സ് 5ജിയിൽ. 6.43 ഇഞ്ച് സൂപ്പർ അമോലെഡ് ഫുൾ എച്ച്ഡി+ (1,080x2,400 പിക്സൽ) ഡിസ്പ്ലായാണ് റിയൽമി X7 മാക്സ് 5ജിയ്ക്ക്. 120 ഹെർട്സ് റിഫ്രഷ് റേറ്റ്, 360 ഹെർട്സ് ടച്ച് സാമ്പിൾ റേറ്റ്, 91.7 ശതമാനം സ്ക്രീൻ-ടു-ബോഡി റേഷ്യോ, 8,000,000:1 കോൺട്രാസ്റ്റ് റേഷ്യോ എന്നിവയുള്ള ഡിസ്പ്ലേയാണ് ഇത്.
64 മെഗാപിക്സൽ സോണി ഐഎംഎക്സ് 682 പ്രൈമറി സെൻസർ (എഫ് / 1.8 ലെൻസ്), 8 മെഗാപിക്സൽ അൾട്രാ വൈഡ് ആംഗിൾ ലെൻസ്, (119 ഡിഗ്രി ഫീൽഡ് ഓഫ് വിഷൻ, എഫ് / 2.3 ലെൻസ്), എഫ് / 2.4 അപ്പർച്ചർ ഉള്ള 2 മെഗാപിക്സൽ മാക്രോ ഷൂട്ടർ എന്നിവയുള്ള ട്രിപ്പിൾ കാമറ ആയിരിക്കും ഒരുങ്ങുക. മുൻവശത്ത് എഫ് / 2.5 ലെൻസുള്ള 16 മെഗാപിക്സൽ കാമറ ഇടംപിടിക്കും. ഈ ഫീച്ചറുകൾ പരിശോധിച്ചാൽ അടുത്തിടെ റിയൽമി ചൈനയിൽ അവതരിപ്പിച്ച ജിടി നിയോ സ്മാർട്ട്ഫോണിന്റെ റീബ്രാൻഡഡ് വകഭേദമാണ് റിയൽമി X7 മാക്സ് 5ജി എന്ന വ്യക്തമാകും.
