അച്ഛനും നടനുമായ സുകുമാരന്റെ മോഹന്ലാലിനൊപ്പമുള്ള ലൊക്കേഷന് ചിത്രം പങ്കുവെച്ച് പൃഥ്വിരാജ്. മോഹന്ലാലും സുകുമാരനും പ്രധാന കഥാപാത്രങ്ങളായി 1984ല് പുറത്തിറങ്ങിയ ചിത്രത്തിന്റെ ക്ലൈമാക്സ് ചിത്രീകരണ സമയത്തെ ഫോട്ടോയാണിത്.
മണിരത്നത്തിന്റെ ഏക മലയാള ചിത്രം 'ഉണരൂ'വിന്റെ ലൊക്കേഷനില് നിന്നുള്ള ചിത്രമാണ് ഫേസ്ബുക്കില് ഷെയര് ചെയ്തിരിക്കുന്നത്.
ക്യാമറയ്ക്കു മുന്നിലാണ് മോഹന്ലാല്. അതേസമയം, ക്യാമറാമാന് രാമചന്ദ്രബാബു, രവി കെ ചന്ദ്രന്, മണിരത്നം എന്നിവര്ക്കു സമീപം മുണ്ട് മടക്കിക്കുത്തി സിഗരറ്റ് വലിച്ചുകൊണ്ട് നില്ക്കുകയാണ് സുകുമാരന്.
ജനാര്ദ്ദനന് എന്ന തൊഴിലാളി നേതാവിനെയാണ് സുകുമാരന് ചിത്രത്തില് അവതരിപ്പിച്ചത്. ഫോട്ടോ അയച്ച സംവിധായകനും ക്യാമറാമാനുമായ രവി കെ ചന്ദ്രന് നന്ദി അറിയിച്ചുകൊണ്ടാണ് ഫോട്ടോ ഷെയര് ചെയ്തിരിക്കുന്നത്.
