ചൈനീസ് സ്മാർട്ട്ഫോൺ നിർമ്മാതാക്കളായ റിയൽമി പുതിയ റിയൽമി C25s സ്മാർട്ട്ഫോൺ ഇന്ത്യയിൽ അവതരിപ്പിച്ചു. റിയൽമി C25നേക്കാൾ ഫീച്ചറുകളിൽ മികവ് പുലർത്തുന്ന ബജറ്റ് സ്മാർട്ട്ഫോൺ ആണ് റിയൽമി C25s. 4 ജിബി റാം + 64 ജിബി സ്റ്റോറേജ് പതിപ്പിന് 9,999 രൂപയും 4 ജിബി റാം + 128 ജിബി സ്റ്റോറേജ് പതിപ്പിന് 10,999 രൂപയുമാണ് വില എന്നാണ് റിപ്പോർട്ട്.
വാട്ടറി ഗ്രേ, വാട്ടറി ബ്ലൂ എന്നീ രണ്ട് നിറങ്ങളിൽ ഫോൺ ലഭ്യമാണ്. ആൻഡ്രോയിഡ് 11 അടിസ്ഥാനമായ റിയൽമി യുഐ 2.0 ഓപ്പറേറ്റിംഗ് സിസ്റ്റത്തിലാണ് റിയൽമി C25s പ്രവർത്തിക്കുന്നത്.റിയൽമി C25sന്റെ വില്പന ജൂൺ 9 മുതൽ റിയൽമി വെബ്സൈറ്റ്, ഫ്ലിപ്കാർട്ട്, മറ്റു ഓഫ്ലൈൻ സ്റ്റോറുകളിലൂടെ ആരംഭിക്കുമെന്നാണ് റിപ്പോർട്ട്. 4 ജിബി റാമുമായി ചേർന്ന് പ്രവർത്തിക്കുന്ന മീഡിയടെക് ഹീലിയോ ജി 85 SoCയാണ് ഫോണിന്റെ കരുത്ത്.
88.7 ശതമാനം സ്ക്രീൻ-ടു-ബോഡി റേഷ്യോ, ടിയുവി റൈൻലാൻഡ് സർട്ടിഫിക്കേഷൻ, 570 നിറ്റ്സ് പീക്ക് ബ്രൈറ്റ്നസ് എന്നിവയുള്ള 6.5 ഇഞ്ച് എച്ച്ഡി + (720x1,600 പിക്സൽ) എൽസിഡി മൾട്ടി-ടച്ച് ഡിസ്പ്ലേയാണ് സ്മാർട്ട്ഫോണിന്. 128 ജിബി വരെയുള്ള ഇന്റെർണൽ മെമ്മറി മൈക്രോ എസ്ഡി കാർഡ് വഴി 256 ജിബി വരെയായി വർദ്ധിപ്പിക്കാം.
18W ഫാസ്റ്റ് ചാർജിംഗ് പിന്തുണയുള്ള 6,000mAh ബാറ്ററിയാണ് റിയൽമി C25sൽ. 5.65 മണിക്കൂർ സ്പോട്ടിഫൈ, 70.36 മണിക്കൂർ സ്റ്റാൻഡ്ബൈ സമയം, 2.52 മണിക്കൂർ കോളിംഗ് അല്ലെങ്കിൽ 1.92 മണിക്കൂർ വാട്ട്സ്ആപ്പ് ചാറ്റിംഗ് വെറും 5 ശതമാനം ചാർജ് ഉപയോഗിച്ച് ചെയ്യാമെന്നാണ് റിയൽമിയുടെ അവകാശവാദം. 13 മെഗാപിക്സൽ മെയിൻ സെൻസർ, 2 മെഗാപിക്സൽ ബ്ലാക്ക് ആൻഡ് വൈറ്റ് സെൻസർ, 2 മെഗാപിക്സൽ മാക്രോ ലെൻസ് എന്നിങ്ങനെ ട്രിപ്പിൾ ക്യാമറ സജ്ജീകരണമാണ് ഫോണിൽ. മുൻവശത്ത് 8 മെഗാപിക്സൽ സെൽഫി ക്യാമറയാണ് ഉള്ളത്
