കൊല്ലം: സാക്ഷര കേരളം എന്നു പറയുമെങ്കിലും രാജ്യത്ത് ഏറ്റവും കൂടുതല് സ്ത്രീധനം വാങ്ങുന്നത് കേരളത്തിലാണെന്നും ദക്ഷിണ മേഖല ഐ.ജി. ഹര്ഷിത അട്ടല്ലൂരി. ഭര്തൃഗൃഹത്തില് ദുരൂഹസാഹചര്യത്തില് മരണപ്പെട്ട വിസ്മയയുടെ മരണത്തില് പോസ്റ്റുമോര്ട്ടത്തിന് ശേഷമായിരിക്കും കൂടുതല് കാര്യങ്ങള് വ്യക്തമാകുകയെന്ന് ഹര്ഷിത പറഞ്ഞു.
കേരളം ഏറ്റവും വിദ്യാഭ്യാസമുള്ളവരുടെ സമൂഹമാണെന്നൊക്കെ നമ്മള് പറയുന്നുണ്ട്. നമ്മുടെ അവകാശങ്ങളെക്കുറിച്ചും നീതിയെക്കുറിച്ചുമൊക്കെ അറിയാം. എന്നാലും നമ്മുടെ കുട്ടികളുടെ കാര്യം വന്നാല് ഇതിനെക്കുറിച്ചൊന്നും ബോധവാന്മാരാകില്ല.
സ്ത്രീധനം കൊടുക്കും. ഇന്ത്യയില് ഇത്രയധികം സ്ത്രീധനം കൊടുക്കുന്ന ഏക സംസ്ഥാനം കേരളമാണ്. ഇതൊരു സാധാരണ ആവശ്യമായി മാറിയിരിക്കുന്നു. എന്തിനാണ് ഇങ്ങനെ ചെയ്യുന്നത്? നമ്മുടെ സമൂഹം എന്നുമാറും? ഞാന് സ്ത്രീധനം വാങ്ങില്ല, ഞാന് സ്ത്രീധനം നല്കില്ല എന്നൊക്കെ തീരുമാനമെടുക്കുന്നതിലേക്ക് നമ്മള് എപ്പോഴാണ് എത്തുക?,’ ഹര്ഷിത ചോദിച്ചു.
കൂട്ടുകാര്ക്കോ,മകള്ക്കോ മറ്റുള്ളവര്ക്കോ ഇത്തരമൊരു പീഡനം ശ്രദ്ധയില്പ്പെട്ടാല് പരാതി നല്കാമെന്നും പൊലീസ് കേസെടുത്ത് അന്വേഷിക്കുമെന്നും ഹര്ഷിത അട്ടല്ലൂരി വ്യക്തമാക്കി.
പോസ്റ്റുമോര്ട്ടം റിപ്പോര്ട്ട് വന്നതിന് ശേഷമായിരിക്കും കൂടുതല് കാര്യങ്ങള് വ്യക്തമാകുകയെന്നും ഐ.ജി.
