ഗുവാഹത്തി: പൗരത്വ നിയമ പ്രക്ഷോഭത്തിന് ജയിലിലായ അസം നേതാവ് അഖില് ഗോഗോയ് ഒടുവില് കുറ്റവിമുക്തന്. 2019 ല് ജയിലിലായ അദേഹം 18 മാസങ്ങള്ക്ക് ശേഷമാണ് പ്രത്യേക എന്ഐഎ കോടതി അഖില് ഗോഗോയെ കുറ്റവിമുക്തനാക്കിയത്.
ഭീകരവാദ വിരുദ്ധ നിയമമായ യുഎപിഎ പ്രകാരമാണ് അഖില് ഗോഗോയ്ക്കെതിരെ കേസെടുത്തത്. രാജ്യദ്രോഹക്കുറ്റവും ചുമത്തിയിരുന്നു. പൗരത്വ നിയമത്തിനെതിരെ അസമില് 2019 ല് നടന്ന പ്രക്ഷോഭത്തില് പങ്കെടുത്ത അദേഹത്തിന്റെ മൂന്ന് അനുനായികളെയും കോടതി കുറ്റവിമുക്തരാക്കി. ഇന്ന് സ്വതന്ത്ര ജുഡീഷ്വറിയുടെ ചരിത്ര ദിനമാണെന്ന് വിധിക്ക് പിന്നാലെ അദേഹം പ്രതികരിച്ചു.
ഇന്ത്യന് രാഷ്ട്രീയത്തിലും നയത്തിലും ജനാധിപത്യ അന്തരീക്ഷമില്ലെന്ന് പ്രതികരിച്ച അദേഹം എന്നാല് ഈ വിധി പ്രതീക്ഷ നല്കുന്നതായും അദേഹം കൂട്ടിച്ചേര്ത്തു. യുഎപിഎ കടുത്ത നിയമമാണെന്നും, അത് ഇല്ലാതാക്കണമെന്നും അദേഹം ആവശ്യമുയര്ത്തി. ബിജെപിയെ കുറ്റപ്പെടുത്തിക്കൊണ്ട് അസമിലും ജനാധിപത്യ അന്തരീക്ഷമില്ലെന്ന് അദേഹം പ്രതികരിച്ചു.
ജയിലായതിനാല് പ്രചാരണത്തിന് പോലും പോകാതെയാണ് ഇക്കഴിഞ്ഞ നിയമസഭാ തിരഞ്ഞെടുപ്പില് ശിസാഗര് മണ്ഡലത്തില് നിന്നും അഖില് ഗോഗോയ് മത്സരിച്ച വിജയിച്ചത്. സ്വതന്ത്രനായാണ് അദേഹം മത്സരിച്ചത്.
