അനുദിനം വളര്ന്നുകൊണ്ടിരിക്കുന്ന സിനിമാ ജീവിതത്തില് ആഴത്തില് തട്ടുന്ന കഥാപാത്രങ്ങളുടെ പട്ടികയിലാണ് മാലിക് സിനിമയിലെ ഫഹദ് ഫാഹിലിന്റെ പ്രകടനം. അല്ജസീറ ഉള്പ്പെടെ അന്താരാഷ്ട്ര മാധ്യമങ്ങള് പോലും താരത്തിന്റെ പ്രകടനത്തെ വാഴ്ത്തുമ്പോള് താരത്തിന് അഭിനന്ദനവുമായി എത്തിയിരിക്കുകയാണ് ഭാര്യ നസ്രിയാ നസീമും.
സര്ര്ര്ര്ജീ ഞാന് നിങ്ങളുടെ വലിയ ഫാന് ആണെന്നും . ഓരോ ദിവസവും നിങ്ങള് എന്നെ അത്ഭുതപ്പെടുത്തിക്കൊണ്ടിരിക്കുകയാണെന്നും ഇതെന്റ് ഫാന് മൊമന്റ് സെല്ഫിയാണെന്നും നസ്രിയ പറയുന്നു. റോഷന് മാത്യൂ, നിമിഷ സജയന്, ഫര്ഹാന് ഫാസില്, വിഷ്ണു ഉണ്ണികൃഷ്ണന് തുടങ്ങി നിരവധി താരങ്ങളാണ് നസ്രിയയുടെ പോസ്റ്റിന് താഴെ കമന്റുകളുമായി എത്തിയിട്ടുള്ളത്.
ഫഹദിന്റെ പ്രകടനത്തെ അല്ജസീറ അഭിനന്ദിച്ചിരുന്നു. 20 വര്ഷത്തെ ഫഹദ് ഫാസിലിന്റെ സിനിമാ ജീവിതത്തില് ഒരു സുപ്രധാന വഴിത്തിരിവാണ് മാലിക് ഉണ്ടാക്കിയിരിക്കുന്നത്. പുത്തന് മാറ്റങ്ങള് നടക്കുന്ന മലയാള സിനിമയുടെ നായകന് എന്ന് കരുതപ്പെടുന്ന ഫഹദിന് വലിയൊരു മാറ്റം തന്നെ ചിത്രത്തിലൂടെ ഉണ്ടാകും. ഫഹദ് ചെയ്തിട്ടുള്ള എല്ലാ കഥാപാത്രങ്ങളും കയ്യടി വാങ്ങുന്നതാണെന്നും അല്ജസീറ പറഞ്ഞിരുന്നു.
