ടോകിയോ: ഗോള്ഡന് സ്ലാം സ്വപ്നവുമായി ഒളിംപിക്സിനെത്തിയ ലോക ഒന്നാം നമ്പര് താരം നോവാക് ദ്യോകോവിച്ചിന് നിരാശ. ടെന്നീസ് സെമിയില് ജര്മ്മനിയുടെ അലക്സാണ്ടര് സ്വരേവിനോട് അടിയറവ് പറഞ്ഞാണ് സെര്ബിയന് താരം പുറത്തായത്.
മൂന്നു സെറ്റു നീണ്ട പോരാട്ടത്തിനൊടുവിലായിരുന്നു ലോക റാങ്കിങ്ങില് അഞ്ചാമതുള്ള സ്വരേവിന്റെ വിജയം. ആദ്യ സെറ്റ് 6-1ന് അനായാസം നേടിയ ദ്യോക്കോയ്ക്ക് രണ്ടും മൂന്നും സെറ്റില് അടിതെറ്റി. രണ്ടാം സെറ്റ് 6-3നും മൂന്നാം സെറ്റ് 6-1നും ജര്മന് താരം സ്വന്തമാക്കി. മത്സരം രണ്ടു മണിക്കൂറും മൂന്നു മിനിറ്റും നീണ്ടുനിന്നു.
സ്പാനിഷ് താരം പാബ്ലോ ബുസ്റ്റ കരീനോയെ തോല്പ്പിച്ച കൊറിയയുടെ കറെന് കചനോവ് ആണ് ഫൈനലില് സ്വരേവിന്റെ എതിരാളി.
