ഇക്കഴിഞ്ഞ ജൂൺ മാസത്തിൽ ഇന്ത്യൻ സ്മാർട്ട്ഫോൺ ബ്രാൻഡായ മൈക്രോമാക്സ് വിപണിയിലെത്തിച്ച ഇൻ 1b സ്മാർട്ട്ഫോണിന്റെ വില വർദ്ധിപ്പിച്ചു. ഇൻ 1bയുടെ പിൻഗാമിയായെത്തിയ ഇൻ 2ബിയുടെ 4 ജിബി റാം + 64 ജിബി സ്റ്റോറേജ് ഓപ്ഷന് 7,999 രൂപയും, 6 ജിബി റാം + 64 ജിബി സ്റ്റോറേജ് പതിപ്പിന് 8,999 രൂപയുമായിരുന്നു വില. റിപ്പോർട്ട് പ്രകാരം ഇരു ഫോണുകൾക്കും 500 രൂപയാണ് മൈക്രോമാക്സ് വർദ്ധിപ്പിച്ചിരിക്കുന്നത്.
വില കൂടിയതോടെ 4 ജിബി റാം + 64 ജിബി സ്റ്റോറേജ് പതിപ്പിന്റെ വില 8,499 രൂപയായും 6 ജിബി റാം + 64 ജിബി സ്റ്റോറേജ് പതിപ്പിന്റെ വില 9,449 രൂപയായും ഉയർന്നു. മൈക്രോമാക്സ്ഇൻഫോ.കോം വെബ്സൈറ്റിലും ഫ്ലിപ്കാർട്ട് വെബ്സൈറ്റിൽ മൈക്രോമാക്സ് ഇൻ 2bയുടെ പുതിയ വില പ്രദര്ശിപ്പിക്കുന്നുണ്ട്. അതെ സമയം മൈക്രോമാക്സ് ഇൻ 2b ഇപ്പോൾ സ്റ്റോക്കില്ല എന്നാണ് കമ്പനി വെബ്സൈറ്റ് പ്രദർശിപ്പിക്കുന്നത്.
കറുപ്പ്, നീല, പച്ച നിറങ്ങളിൽ ഫോൺ ലഭ്യമാണ്. യൂണിസോക്ക് ടി 610 ഒക്ട കോർ SoC ആണ് ഫോണിന് കരുത്ത്. മൈക്രോ എസ്ഡി കാർഡ് വഴി 256 ജിബി വരെ ഫോണിന്റെ മെമ്മറി വർദ്ധിപ്പിക്കാം. മൈക്രോമാക്സ് ഇൻ 2b പ്രവർത്തിക്കുന്നത് ആൻഡ്രോയിഡ് 11 ആണ്. 6.52 ഇഞ്ച് എച്ച്ഡി + വാട്ടർഡ്രോപ്പ്-സ്റ്റൈൽ നോച്ച് ഡിസ്പ്ലേയാണ് ഫോണിന്. 400 നിറ്റ്സ് ബ്രൈറ്റ്നസ്സും, 89 ശതമാനം സ്ക്രീൻ-ടു-ബോഡി റേഷ്യോയും, 20:9 ആസ്പെക്ട് റേഷ്യോയും ഈ ഡിസ്പ്ലേയ്ക്കുണ്ട്. 5000 എംഎഎച്ച് ബാറ്ററി പായ്ക്കാണ് മൈക്രോമാക്സ് ഇൻ 2bയിൽ. 160 മണിക്കൂർ മ്യൂസിക് പ്ലേബാക്ക്, 20 മണിക്കൂർ വെബ് ബ്രൗസിംഗ്, 15 മണിക്കൂർ വീഡിയോ സ്ട്രീമിംഗ്, 50 മണിക്കൂർ ടോക്ക്ടൈം എന്നിവ ഇതിലുണ്ട്.
13 മെഗാപിക്സൽ പ്രധാന സെൻസറും (എഫ്/1.8 അപ്പേർച്ചർ), 2 മെഗാപിക്സൽ സെക്കൻഡറി സെൻസറും ഉൾപ്പെടുന്ന ഡ്യുവൽ ക്യാമെറായാണ് മൈക്രോമാക്സ് ഇൻ 2bയ്ക്ക്. മോഷൻ ഫോട്ടോ, പ്ലേ ആൻഡ് പോസ് വീഡിയോ ഷൂട്ട്, നൈറ്റ് മോഡ്, ബാക്ഗ്രൗണ്ട് പോർട്രെയിറ്റ്, ബ്യൂട്ടി മോഡ്, ഫുൾ-എച്ച്ഡി ഫ്രണ്ട്, ബാക്ക് റെക്കോർഡിംഗ് എന്നിങ്ങനെയുള്ള ഫീച്ചറുകൾ ഈ ക്യാമെറയ്ക്കുണ്ട്. മുൻവശത്ത് 5 മെഗാപിക്സൽ സെൽഫി ക്യാമെറയും ഒരുങ്ങുന്നു. ഇരട്ട VoWiFi, ഡ്യുവൽ VoLTE, വൈ-ഫൈ 802.11 ac, ബ്ലൂടൂത്ത് v5, യുഎസ്ബി ടൈപ്പ്-സി പോർട്ട് എന്നിവയാണ് കണക്ടിവിറ്റി ഓപ്ഷനുകൾ.
