ഒപ്പോ തങ്ങളുടെ രണ്ട് സ്മാർട്ഫോണുകളുടെ വില വർദ്ധിപ്പിച്ചു. ഏപ്രിലിൽ വില്പനക്കെത്തിയ A54, F19 സ്മാർട്ട്ഫോണുകളുടെ വിലയാണ് ഒപ്പോ വർദ്ധിപ്പിച്ചത്. റിപ്പോർട്ട് പ്രകാരം ഇരു ഫോണുകൾക്കും 1000 രൂപ വീതമാണ് ഒപ്പോ വർദ്ധിപ്പിച്ചത്.
ഒപ്പോ A54ന്റെ 4 ജിബി റാം + 128 ജിബി സ്റ്റോറേജ് പതിപ്പിന്റെ വില 13,990 രൂപ ആയിരുന്നു. ഇതാണ് ഇപ്പോൾ 1000 രൂപ കൂടി 14,990 രൂപയായിരിക്കുന്നത്. എന്നാൽ, ഏപ്രിലിൽ വില്പനക്കെത്തിയപ്പോൾ ഈ പതിപ്പിന് 13,490 രൂപയും, 4 ജിബി റാം + 128 ജിബി സ്റ്റോറേജ് പതിപ്പിന് 14,490 രൂപ, 6 ജിബി റാം + 128 ജിബി സ്റ്റോറേജ് പതിപ്പിന് 15,990 രൂപയുമായിരുന്നു ലോഞ്ച് വില. 18,990 രൂപയായിരുന്നു 6 ജിബി റാമും + 128 ജിബി സ്റ്റോറേജുമുള്ള ഒപ്പോ F19-ന്റെ ലോഞ്ച് വില. എന്നാലിപ്പോൾ 1000 രൂപ കൂട്ടിയതോടെ വില 19,990 രൂപയായി ഉയർന്നു.
മീഡിയടെക് ഹീലിയോ P35 (MT6765V) SoC പ്രോസസ്സർ ആണ് ഒപ്പോ A54-യുടെ കരുത്ത്. 6.51-ഇഞ്ച് എച്ഡി+ (720x1,600 പിക്സൽ) എൽസിഡി ഡിസ്പ്ലേ ആണ് ഒപ്പോ A54-ന്. 60Hz സ്ക്രീൻ റിഫ്രഷ് റേറ്റ്, 89.2 ശതമാനം സ്ക്രീൻ-റ്റു-ബോഡി റേഷ്യോ, 269 പിപിഐ പിക്സൽ ഡെൻസിറ്റി, 550 നിറ്റ്സ് പീക് ബ്രൈറ്റ്നസ്, 120Hz ടച് സാംപ്ലിങ് റേറ്റ് എന്നിവ ഈ ഡിസ്പ്ലേയ്ക്ക് ഉണ്ട്. ഒപ്പോ F19ൽ അഡ്രിനോ 610 ജിപിയു, 6 ജിബി റാം എന്നിവയോടൊപ്പം ചേർന്ന് പ്രവർത്തിക്കുന്ന ഒക്ടാകോർ ക്വാൽകോം സ്നാപ്ഡ്രാഗൺ 662 SoC പ്രോസസ്സറാണ് കരുത്ത്. 20:9 ആസ്പെക്ട് റേഷ്യോയും 90.8 ശതമാനം സ്ക്രീൻ-ടു-ബോഡി അനുപാതവുമുള്ള 6.43 ഇഞ്ച് ഫുൾ എച്ച്ഡി + (1,080x2,400 പിക്സൽ) അമോലെഡ് ഡിസ്പ്ലേയാണ് ഫോണിന്.
15W ഫാസ്റ്റ് ചാർജിംഗ് പിന്തുണയുള്ള 5,000 എംഎഎച്ച് ബാറ്ററിയാണ് ഓപ്പോ A54-ൽ. 3W ഫാസ്റ്റ് ചാർജിംഗ് പിന്തുണയുള്ള 5,000 എംഎഎച്ച് ബാറ്ററിയാണ് ഓപ്പോ F19ന്. എഫ് / 2.2 അപ്പേർച്ചറുള്ള 13 മെഗാപിക്സൽ പ്രൈമറി സെൻസർ, എഫ് / 2.4 അപ്പേർച്ചറുള്ള 2 മെഗാപിക്സൽ മാക്രോ ക്യാമറ, എഫ് / 2.4 അപ്പർച്ചർ ഉള്ള 2 മെഗാപിക്സൽ ബോകെ ക്യാമറ എന്നിവ ചേർന്ന ട്രിപ്പിൾ ക്യാമെറായാണ് ഒപ്പോ A54-ൽ. മുൻവശത്ത് എഫ് / 2.0 അപ്പേർച്ചറുള്ള 16 മെഗാപിക്സൽ സെൽഫി ക്യാമറയും നൽകി. 48 മെഗാപിക്സൽ പ്രൈമറി സെൻസർ (എഫ് / 1.7 ലെൻസ്), 2 മെഗാപിക്സൽ ഡെപ്ത് സെൻസർ, 2 മെഗാപിക്സൽ മാക്രോ ഷൂട്ടർ എന്നിവ ഉൾപ്പെടുന്നതാണ് ട്രിപ്പിൾ റിയർ കാമറ ആണ് ഒപ്പോ F19ൽ. 16 മെഗാപിക്സൽ സെൽഫി ക്യാമറയാണ് ഫോണിന്റെ മുൻവശത്ത്.
