തിരുവനന്തപുരം: കുഞ്ഞിനെ ദത്ത് നല്കിയ സംഭവത്തില് അനുപമയുടെ അമ്മ ഉള്പ്പെടെ അഞ്ച് പേര്ക്ക് കോടതി മുന്കൂര് ജാമ്യം അനുവദിച്ചു. തിരുവനന്തപുരം പ്രിന്സിപ്പല് സെഷന്സ് കോടതിയാണ് മുന്കൂര് ജാമ്യം അനുവദിച്ചത്.
ഇവര്ക്ക് ക്രിമിനല് പശ്ചാത്തലം ഇല്ലെന്ന് കോടതി വിലയിരുത്തി. അറസ്റ്റ് അനിവാര്യമെങ്കില് ഉടന് ജാമ്യം അനുവദിക്കണമെന്നും കോടതി. അറസ്റ്റ് ചെയ്യുകയാണെങ്കില് ഒരു ലക്ഷം രൂപ ജാമ്യത്തില് വിടണമെന്നാണ് കോടതി വിധി.
കുഞ്ഞിനെ തട്ടിക്കൊണ്ടുപോയതിനും വ്യാജരേഖയുണ്ടാക്കിയതിനും അന്വേഷണം തുടരുകയാണെന്ന് പ്രോസിക്യൂഷന് കോടതിയെ അറിയിച്ചു. ഇവര്ക്ക് ജാമ്യം അനുവദിച്ചാല് തെളിവ് നശിപ്പിക്കാന് സാധ്യതയുണ്ടെന്നും പ്രോസിക്യൂഷന് വാദിച്ചു. എന്നാല് സുരക്ഷിതമായി കുഞ്ഞിനെ ഏല്പ്പിക്കുകയാണ് ചെയ്തതെന്നാണ് പ്രതിഭാഗം വാദിച്ചത്. ഇതിന്റെ അടിസ്ഥാനത്തിലാണ് അനുപമയുടെ അമ്മ അടക്കം അഞ്ചുപേര്ക്ക് മുന്കൂര് ജാമ്യം അനുവദിച്ചത്.
