കൊച്ചി: പൂജാ ബമ്പര് നറുക്കെടുപ്പില് 5 കോടി രൂപയുടെ ഭാഗ്യ സമ്മാനം ലോട്ടറി ഏജന്റിനു ലഭിച്ചു. ലോട്ടറി ഏജന്റായ ജേക്കബ് കുര്യനാണ് അഞ്ചു കോടിയുടെ സമ്മാനം തേടിയെത്തിയത്. കൂത്താട്ടുകുളം കിഴക്കൊമ്പിലെ ജേക്കബ് കുര്യന് സമ്മാനര്ഹമായ ടിക്കറ്റ് കാനറാ ബാങ്കിന്റെ കൂത്താട്ടുകുളം ശാഖയില് ഏല്പ്പിച്ചു.
അച്ചടിച്ച 37 ലക്ഷം ടിക്കറ്റുകളും വിറ്റുപോയതായി ലോട്ടറി വകുപ്പ് അറിയിച്ചു. രണ്ടാം സമ്മാനം 10 ലക്ഷം രൂപ വീതം 5 പേര്ക്കു വീതവും മൂന്നാം സമ്മാനം 5 ലക്ഷം വീതം 10 പേര്ക്കും നാലാം സമ്മാനമായി 1 ലക്ഷം രൂപ അവസാന അഞ്ച് അക്കത്തിനു. കൂടാതെ 5000, 2000, 1000,500 രൂപയുടെ നിരവധി സമ്മാനങ്ങളുമുണ്ട്. NA, VA, RA, TH, RI എന്നീ അഞ്ചു സീരീസുകളിലാണ് ടിക്കറ്റ് പുറത്തിറക്കിയത്.
സിയാന്റസ് ലക്കി സെന്റ ഉടമ മെര്ളിന് ഫ്രാന്സിസില് നിന്നാണ് ജേക്കബ് കുര്യന് വില്പ്പനക്കായി ടിക്കറ്റ് വാങ്ങിയത്. ഒന്നാം സമ്മാനമായ അഞ്ചു കോടി രൂപ RA 591801 എന്ന ടിക്കറ്റ് നമ്പറിനാണ് ലഭിച്ചിരുന്നത്.
