വിഘ്നേഷ് ശിവന് തന്റെ പുതിയ സിനിമയായ ‘കാതുവാക്കുള രണ്ടു കാതലി’ന്റെ വിശേഷങ്ങളെല്ലാം സോഷ്യല് മീഡിയയില് കൂടി പങ്കിടാറുണ്ട്. നയന്താരയും സാമന്തയും പ്രധാന വേഷങ്ങളില് ഈ സിനിമയിലെത്തുന്നുണ്ട്. ഇന്നലെ ലേഡി സൂപ്പർ സ്റ്റാർ നയൻതാര ഈ സിനിമയിലെ തന്റെ ഭാഗങ്ങൾക്കായി ഡബ്ബ് ചെയ്യാൻ തുടങ്ങിയ വിശേഷങ്ങള് പോസ്റ്റ് ചെയ്തിരുന്നു. ഇപ്പോഴിതാ സിനിമയുടെ ഭാഗമായ മുതിർന്ന നടൻ പ്രഭു തന്റെ ഡബ്ബിംഗ് ജോലികൾ ആരംഭിച്ച വിവരം വിഘ്നേഷ് പോസ്റ്റ് ചെയ്തിരിക്കുന്നു. സംവിധായകൻ വിഘ്നേഷ് ശിവനൊപ്പം ഡബ്ബിംഗ് ആസ്വദിക്കുന്ന പ്രഭുവിനെ വീഡിയോയില് കാണാം. ചിത്രത്തിലെ നായികമാരായ സാമന്തയും നയൻതാരയും ഡബ്ബിംഗിന് അടുത്തുണ്ടെങ്കിൽ താൻ ഡബ്ബിംഗ് പ്രക്രിയ ആസ്വദിക്കുമെന്നാണ് പ്രഭു പറയുന്നത്.
മുതിർന്ന നടൻ പ്രഭുവിനൊപ്പം കാപ്പി ആസ്വദിക്കുന്ന വീഡിയോ പങ്കുവെച്ചുകൊണ്ട് വിഘ്നേഷ് ശിവൻ ഇന്സ്റ്റയില് പോസ്റ്റ് ചെയ്തു, ‘‘രാവിലെ, രസകരനായ ഗംഭീരനായ പ്രഭു സാറിനൊപ്പം വര്ക്ക് ചെയ്യുന്നത് തന്നെ ആനന്ദമാണ്. അദ്ദേഹത്തിന്റെ വീട്ടിലെ രുചികരമായ കാപ്പിയും ആസ്വദിക്കുന്നു. നിങ്ങളെ ഈ സിനിമയിൽ ഉൾപ്പെടുത്തിയതിൽ അഭിമാനിക്കുന്നു സർ :) ഒരു ടീമിൽ ഉള്ളതിൽ ഏറ്റവും പോസിറ്റീവും ദൈവികവുമായ വ്യക്തി’’ എന്ന ക്യാപ്ഷന് നല്കിയാണ് വിഘ്നേഷ് വീഡിയോ പോസ്റ്റ് ചെയ്തിരിക്കുന്നത്.
ചിത്രത്തിൽ വിജയ് സേതുപതി, നയൻതാര, സാമന്ത എന്നിവരാണ് പ്രധാന വേഷത്തില്. ഇതാദ്യമായാണ് സാമന്തയും നയൻതാരയും ഒരു സിനിമയിൽ സ്ക്രീൻ സ്പേസ് പങ്കിടുന്നത്. പ്രധാന അഭിനേതാക്കൾ തമ്മിലുള്ള ത്രികോണ പ്രണയകഥ ഒരു റൊമാന്റിക് കോമഡി ആയിരിക്കുമെന്ന് പറയുന്നത്. ചിത്രത്തിൽ റാംബോയായി വിജയ് സേതുപതിയും ഖതിജയായി സാമന്ത റൂത്ത് പ്രഭുവും കൺമണിയായി നയൻതാരയും എത്തുന്നു. വിഘ്നേഷ് ശിവന്റെ റൗഡി പിക്ചേഴ്സുമായി സഹകരിച്ച് സെവൻ സ്ക്രീൻ സ്റ്റുഡിയോയാണ് ചിത്രം നിർമ്മിക്കുന്നത്. വിഘ്നേഷിന്റെ നാലാമത്തെ ഫീച്ചർ ഫിലിമാണിത്. ഏകദേശം പൂർത്തിയായ സിനിമയുടെ റിലീസ് ഉടനെയുണ്ടാകും.
