ബോളിവുഡ് താരമായ കത്രീന കൈഫ് ഫിറ്റ്നസിന്റെ കാര്യത്തില് യാതൊരു വിട്ടുവീഴ്ചയുമില്ലാത്ത ആളാണ്. കത്രീന സിനിമാ ചിത്രീകരണത്തിനു മുന്പായി നല്ല ഭക്ഷണക്രമം പാലിക്കാറുണ്ട്. വിക്കി കൗശലുമായുളള കത്രീനയുടെ വിവാഹ വാര്ത്തകളാണ് സമൂഹമാധ്യമങ്ങളില് കുറച്ചു ആഴ്ചകളായി നിറയുന്നത്. ഇപ്പോള് കത്രീന വിവാഹത്തിനു മുന്നോടിയായി കര്ക്കശമായ ഡയറ്റിങ്ങാണ് പിന്തുടരുന്നതെന്നാണ് ബിടൗണ് മാധ്യമങ്ങള് റിപ്പോര്ട്ട് ചെയ്യുന്നത്.
കര്ശനമായ ഡയറ്റെടുക്കുന്നത് കത്രീനയ്ക്ക് ബുദ്ധിമുട്ടുളള കാര്യമല്ലയെന്ന് താരത്തിന്റെ കടുത്ത സുഹൃത്ത് പറയുന്നു. കാര്ബോഹൈഡ്രേറ്റ്, പഞ്ചസാര, ഗ്ലൂട്ടന് എന്നിവ താരം ഒഴിവാക്കിയിട്ടുണ്ട്. പകരം ധാരാളം പച്ചക്കറികളും സൂപ്പുകളും സാലഡുകളും ആരോഗ്യകരമായ എല്ലാ കാര്യങ്ങളും താരം ഡയറ്റില് ഉള്പ്പെടുത്തിയിട്ടുണ്ട്.
ആരോഗ്യകരമായ ഭക്ഷണം ഒരുജീവിതരീതിയാണ് അല്ലാതെ ഡയറ്റ് മാത്രമല്ലെന്ന് അമ്മ പഠിപ്പിച്ചിട്ടുണ്ടെന്ന് കത്രീന നേരത്തേ പറഞ്ഞിരുന്നു. ലളിതമായി അമിതമാവാതെ കഴിക്കണമെന്നും അരിയാഹാരം കഴിക്കാന് ഭയക്കേണ്ടതില്ലെന്നും ഡോക്ടര് നിർദേശം നൽകിയിട്ടുണ്ടെന്നും കത്രീന പറഞ്ഞിരുന്നു.
ഇരുവരും ഈ മാസമാണ് വിവാഹിതരാകുന്നത് എന്നാണ് റിപ്പോർട്ടുകൾ വന്നിരുന്നത്. രാജസ്ഥാനിലെ സിക്സ് സെന്സെസ് ഫോര്ട്ട് ബര്വാരയാണ് വിവാഹവേദിയെന്നും റിപ്പോർട്ടുകളുണ്ട്.
