ബ്രിട്ടീഷ് ബൈക്ക് നിര്മാതാക്കളായ, ട്രയംഫ് മോട്ടോര്സൈക്കിള് തങ്ങളുടെ സ്ട്രീറ്റ് നേക്കഡ് മോഡലായ ട്രൈഡന്റ് 660ന് വില വര്ദ്ധിപ്പിച്ചു. വിപണിയില് എത്തിയപ്പോള് മോഡലിന് 6.95 ലക്ഷം രൂപയായിരുന്നു എക്സ്ഷോറൂം വില. ഇപ്പോള് മോഡലിന്റെ വിലയില് 50,000 രൂപയുടെ വര്ധിപ്പിച്ചിരിയ്ക്കുകയാണ്. ഇതോടെ ഈ മോഡലിന്റെ വില 7.45 ലക്ഷമായി ഉയരുകയും ചെയ്തു. പുതുക്കിയ വില 2022 ഫെബ്രുവരി 1 മുതല് പ്രാബല്യത്തില് വന്നതായി നിര്മാതാക്കള് അറിയിച്ചു.
വിലയിലെ വര്ധനയ്ക്ക് പുറമെ, ട്രൈഡന്റ് 660-ല് മറ്റ് അപ്ഡേറ്റുകളൊന്നും തന്നെ കമ്പനി നടത്തിയിട്ടില്ല. 660 സിസി ഇന്-ലൈന് ട്രിപ്പിള് സിലിണ്ടര്, ലിക്വിഡ് കൂള്ഡ് എഞ്ചിനാണ് മോട്ടോര്സൈക്കിളിന് കരുത്ത് നല്കുന്നത്. ഈ യൂണിറ്റ് 10,250 rpm-ല് 80 bhp കരുത്തും 6,250 rpm-ല് 64 Nm പീക്ക് ടോര്ക്കുമാണ് പുറപ്പെടുവിക്കുന്നത്. ഈ മോട്ടോര് ആറ് സ്പീഡ് ഗിയര്ബോക്സിനൊപ്പം സ്ലിപ്പറും അസിസ്റ്റ് ക്ലച്ചും സ്റ്റാന്ഡേര്ഡായി ജോടിയാക്കുന്നു, അതേസമയം ബൈ-ഡയറക്ഷണല് ക്വിക്ക്-ഷിഫ്റ്റര് ഓപ്ഷണലായി അധികമായി ലഭ്യമാണ്.
ഹാര്ഡ്വെയറിന്റെ കാര്യത്തില്, ട്രൈഡന്റ് 660 ഒരു ട്യൂബുലാര് സ്റ്റീല് പെരിമീറ്റര് ഫ്രെയിമിനെ അടിസ്ഥാനമാക്കിയുള്ളതാണ്. ഇതിന് മുന്നില് അപ്പ്സൈഡ്-ഡൗണ് ഫോര്ക്കുകളും പിന്നില് ഒരു മോണോ-ഷോക്കുമാണ് സസ്പെന്ഷനായി നല്കിയിരിക്കുന്നത്. മിഷെലിന് റോഡ് 5 ടയറുകളുള്ള 17 ഇഞ്ച് കാസ്റ്റ് അലുമിനിയം അലോയ് വീലുകളാണ് മോട്ടോര്സൈക്കിന് ലഭിക്കുന്നത്. ബ്രേക്കിംഗ് ചുമതലകള് കൈകാര്യം ചെയ്യുന്നതിന് മുന്നില് ഒരു ജോടി 310 mm ഡ്യുവല്-ഡിസ്കുകളും പിന്നില് 255 mm സിംഗിള് ഡിസ്കും ആണ്. ഫീച്ചറുകളെ സംബന്ധിച്ചിടത്തോളം, ട്രയംഫ് ട്രൈഡന്റ് ഒരു പൂര്ണ്ണ എല്ഇഡി ലൈറ്റിനിംഗും ഒരു ടിഎഫ്ടി ഇന്സ്ട്രുമെന്റ് കണ്സോളും വാഗ്ദാനം ചെയ്യുന്നു, ഇത് ട്രൈഡന്റിനൊപ്പം ഓപ്ഷണല് ബ്ലൂടൂത്ത് കണക്റ്റിവിറ്റി ഉപയോഗിച്ച് പ്രവര്ത്തനക്ഷമമാക്കുന്നു.
