ബലേനൊയുടെ ടൊയോട്ട പതിപ്പായ ഗ്ലാന്സയുടെ ആദ്യ ചിത്രങ്ങള് പുറത്തു വിട്ട് കമ്പനി. മാരുതി സുസുക്കിയുമായുള്ള സഹകരണത്തില് ടൊയോട്ട പുറത്തിറങ്ങുന്ന ഹാച്ച്ബാക്കാണ് ഗ്ലാന്സ. പുതിയ 2022 ഗ്ലാന്സ ലോഞ്ച് മാര്ച്ച് 15-ന് നടക്കുമെന്നാണ് കമ്പനി അറിയിച്ചിരിക്കുന്നത്. തിരഞ്ഞെടുത്ത ഡീലര്മാര് പുതിയ വാഹനത്തിനായുള്ള ബുക്കിംഗ് ആരംഭിക്കുകയും ചെയ്തിട്ടുണ്ട്.
മാരുതി ബലേനോയുടെ ബാഡ്ജ് എന്ജിനീയറിങ് പതിപ്പാണ് ഗ്ലാന്സ. പുതിയ ബലേനോയില് കണ്ടതിന് സമാനമായ പുതിയ ഹെഡ്ലാമ്പ് യൂണിറ്റുകള്, അപ്ഡേറ്റ് ചെയ്ത ഡിആര്എല്ലുകള്, റീസ്റ്റൈല് ചെയ്ത ഫ്രണ്ട് ഗ്രില്ലുകള് എന്നിവയെല്ലാം പ്രതീക്ഷിക്കാം. ഒരു പുതിയ HUD (ഹെഡ്സ്-അപ്പ് ഡിസ്പ്ലേ) യൂണിറ്റ്, വയര്ലെസ് ആപ്പിള് കാര്പ്ലേ, ആന്ഡ്രോയിഡ് ഓട്ടോ കണക്റ്റിവിറ്റിയുള്ള അപ്ഡേറ്റ് ചെയ്ത ഇന്ഫോടെയ്ന്മെന്റ് സിസ്റ്റം, പുനര്രൂപകല്പ്പന ചെയ്ത ഡാഷ്ബോര്ഡ്, പുതിയ എസി വെന്റുകള് എന്നിവയും ഉള്പ്പെടും.
2022 ടൊയോട്ട ഗ്ലാന്സയ്ക്ക് മെച്ചപ്പെട്ട ബില്ഡ് ക്വാളിറ്റി ഉണ്ടായിരിക്കും, കൂടാതെ പ്രീമിയം ഹാച്ച്ബാക്കിന് കരുത്ത് പകരാന് ഐഡല് സ്റ്റാര്ട്ട്/സ്റ്റോപ്പ് സാങ്കേതികവിദ്യയുള്ള അതേ 1.2-ലിറ്റര് ഫോര് സിലിണ്ടര് ഡ്യുവല്ജെറ്റ് പെട്രോള് എഞ്ചിന് ഉപയോഗിക്കും. ഇത് 90 bhp കരുത്തും 113 Nm പരമാവധി ടോര്ക്കും ഉല്പ്പാദിപ്പിക്കും. അഞ്ച് സ്പീഡ് മാനുവല് അല്ലെങ്കില് അഞ്ച് സ്പീഡ് AMT എന്നിവയുമായി എഞ്ചിന് ജോടിയാക്കുമെന്നും റിപ്പോര്ട്ടില് പറയുന്നു. 2022 ബലെനോയ്ക്കായി മാരുതി കൊണ്ടു വന്ന വില വര്ധനയ്ക്ക് അനുസൃതമായിരിക്കും പുതിയ ഗ്ലാന്സയുടെയും എക്സ്ഷോറൂം വില. ബലേനോ, ഹ്യുണ്ടായി i20, ടാറ്റ ആള്ട്രോസ്, ഫോക്സ്വാഗണ് പോളോ, ഹോണ്ട ജാസ് തുടങ്ങിയ മോഡലുകളുമായാണ് ഗ്ലാന്സ മത്സരിക്കുന്നത്.
