ആധുനിക വൈദ്യശാസ്ത്രത്തിന് ഒഴിച്ചു നിര്ത്താന് കഴിയാത്ത രീതിയില് വളര്ന്നുകൊണ്ടിരിക്കുന്ന ഒരു ചികിത്സാരീതിയാണ് ഫിസിയോതെറാപ്പി. മരുന്നുകളുടെ പാര്ശ്വഫലങ്ങളില്ലാത്ത ഒരു ചികിത്സാരീതിയെന്നത് ഫിസിയോതെറാപ്പിയെ മറ്റെല്ലാ ശാഖകളെക്കാളും ജനങ്ങളിലേക്ക് അടുപ്പിക്കുന്ന ഒരു ഘടകമാണ്.
രോഗിയുടെ പ്രശ്നങ്ങളെ ശാസ്ത്രീയമായി മനസിലാക്കി ഭൗതിക സ്രോതസുകളും വ്യായാമമുറകളും നൂതന ചികിത്സാരീതികളും കോര്ത്തിണക്കിക്കൊണ്ട് രോഗികള്ക്ക് മരുന്നുകളുടെ ലോകത്തുനിന്ന് മുക്തി നല്കി, രോഗശമനം നല്കുന്ന ആധുനിക വൈദ്യ ശാസ്ത്രശാഖയാണ് ഫിസിയോതെറാപ്പി. ആധുനിക ഫിസിയോതെറാപ്പിയുടെ ഉത്ഭവം 19 ാം നൂറ്റാണ്ടിന്റെ അവസാന ദശകങ്ങളില് ബ്രിട്ടനിലാണെന്ന് കരുതപ്പെടുന്നു.
ആരോഗ്യപ്രശ്നങ്ങള്ക്ക് പരിഹാരം
1. അസ്ഥിസംബന്ധമായ രോഗങ്ങള്
2. മസ്തിഷ്ക സംബന്ധമായ രോഗങ്ങള്
3. ശ്വാസകോശ സംബന്ധമായ രോഗങ്ങള്
4. ഗര്ഭകാല ശാരീരിക അസ്വാസ്ഥ്യങ്ങള്
5. പ്രസവാനന്തര ബുദ്ധിമുട്ടുകള്
6. പേശീ സംബന്ധമായ ബുട്ടിമുട്ടുകള്
7. ജീവിതശൈലി രോഗങ്ങള്
8. വാര്ധക്യ സംബന്ധമായ അസുഖങ്ങള്
9. അര്ബുദം മൂലമുള്ള പ്രശ്നങ്ങള്
10. കുട്ടികളില് കാണുന്ന ചലന വൈകല്യങ്ങള്
11. ശസ്ത്രക്രിയാനന്തര ബുദ്ധിമുട്ടുകള്
12. നാഡീസംബന്ധമായ രോഗങ്ങള്
എന്തുകൊണ്ട് ഫിസിയോതെറാപ്പി
1. രോഗനിര്ണയത്തിലും ചികിത്സയിലുമുള്ള തങ്ങളുടെ നൈപുണ്യം ഉപയോഗിച്ച് ശൈശവം മുതല് വാര്ധക്യം വരെയുള്ളഘട്ടങ്ങളില് നമുക്ക് ഉണ്ടായേക്കാവുന്ന വിവിധ തരം രോഗങ്ങളെയും ശസ്ത്രക്രിയാനന്തര ബുദ്ധിമുട്ടുകളെയും മറ്റു ആരോഗ്യ സംബന്ധമായ പ്രശ്നങ്ങളെയും മനസിലാക്കുകയും ഉചിതമായ ചികിത്സ നല്കുകയും ചെയ്യുന്നു.
2. രോഗങ്ങള്ക്ക് അനുസൃതമായ വ്യായാമമുറകള്, വിവിധ ഫീക്വന്സിയിലുള്ള വൈദ്യുത തരംഗങ്ങള്, മറ്റ് ഭൗതിക സ്രോതസുകള് എന്നിവയുടെ സഹായത്തോടെ വേദന ശമിപ്പിക്കുകയും ചലനശേഷി വീണ്ടെടുക്കുകയും ആരോഗ്യം നിലനിര്ത്തു കയും ചെയ്യുന്നു.
3. മാനുവല് തെറാപ്പി, ടേപ്പിംഗ്, മയോ ഫെയിഷ്യല് റിലീസ്, മൂവ്മെന്റ് അനാലിസിസ് തുടങ്ങിയ നൂതന ചികിത്സാരീതികളും ഉപയോഗിക്കുന്നു.
ഫിസിയോതെറാപ്പി എത്രനാള്
1. ഒരോ രോഗിക്കും ചികിത്സ വ്യത്യസ്തമാണ്. അതുകൊണ്ടുതന്നെ ഓരോരുത്തരുടെയും രോഗ പ്രതിരോധശേഷിയും രോഗലക്ഷണങ്ങളും രോഗനിവാരണത്തിനെടുക്കുന്ന സമയവും വ്യത്യസ്തമായിരിക്കും.
2. ഫിസിയോതെറാപ്പി എത്രനാള് വേണ്ടിവരുമെന്ന് ചിന്തിക്കുന്നതിനെക്കാള് രോഗനിവാരണത്തിനായി ആ കാലയളവില് പടിപടിയായി എന്തെല്ലാം നേടിയെടുക്കാമെന്ന ലക്ഷ്യബോധമാണ് ഉണ്ടായിരിക്കേണ്ടത്.
3. ചികിത്സ തേടുന്നതിനൊപ്പം തന്നെ തെറാപ്പിസ്റ്റ് പറഞ്ഞുതരുന്ന വ്യായാമങ്ങള് സ്വയം ആവര്ത്തിക്കുകയാണെങ്കില് രോഗ നിവാരണം വേഗത്തിലാക്കുവാന് സാധിക്കുന്നതാണ്.
