മലയാള സിനിമയുടെ ചരിത്രത്തിൽ സുന്ദരികളായ ഒട്ടേറെ നടിമാർ ഉണ്ടായിട്ടുണ്ട്. എക്കാലവും മലയാളികളുടെ പ്രിയങ്കരിയായ താരമാണ് ഷീല. പ്രായം ഏറിയിട്ടും സൗന്ദര്യത്തിന്റെ കാര്യത്തിൽ ഒട്ടും പിന്നിലല്ല ഷീല ഇപ്പോഴും. ദശാബ്ദങ്ങള് നീണ്ട അഭിനയ ജീവിതത്തിനിടയില് അസൂയ തോന്നിയ നടിയുണ്ടോ എന്ന ചോദ്യത്തിന് മറുപടി നൽകിയിരിക്കുകയാണ് ഷീല ഇപ്പോൾ. ഒരു ചിരി ഇരു ചിരി ബംബര് ചിരി എന്ന പരിപാടിയില് മുഖ്യാതിഥിയായി പങ്കെടുക്കുകയായിരുന്നു ഷീല.
ഷീലയുടെ വാക്കുകൾ:
'എനിക്ക് ആരോടും അസൂയ തോന്നിയിട്ടില്ല. പക്ഷേ എനിക്കൊത്തിരി അഭിനന്ദിക്കാന് തോന്നിയിട്ടുള്ള നായിക നയന്താരയാണ്. മനസ്സിനക്കരെ എന്ന സിനിമയിലൂടെ എന്റെ കൂടെയാണ് അവള് ആദ്യമായി അഭിനയിച്ചത്. എന്ന് കണ്ടാലും ആ കുട്ടിയ്ക്ക് നമ്മളോട് ഭയങ്കര ബഹുമാനമാണ്. അതേ സ്നേഹമുണ്ട്. പിന്നെ അത്രയും ഭംഗിയുള്ള ഒരു പെണ്ണിനെ കാണാന് വലിയ പാടാണ്' - ഷീല പറഞ്ഞു.
2003 ലെ ക്രിസ്തുമസ് റിലീസായിട്ടാണ്. ജയറാമിനെ നായകനാക്കി സത്യന് അന്തിക്കാട് സംവിധാനം ചെയ്ത മനസ്സിനക്കരെ എന്ന ചിത്രം റിലീസിനെത്തിയത്. ഈ ചിത്രത്തിലൂടെയാണ് നയൻതാര അഭിനയ രംഗത്തേക്ക് കടന്നുവന്നത്.
ജയറാം,നയൻതാര, ഇന്നസെന്റ്, ഷീല, ഒടുവില് ഉണ്ണികൃഷ്ണന് തുടങ്ങി വമ്പന് താരനിര അണിനിരന്നു. ചാനല് പരിപാടികളില് അവതാരകയായി ജോലി ചെയ്തിരുന്ന ഡയാന മറിയം കുര്യന് എന്ന പെണ്കുട്ടിയാണ് നയന്താരയായ മാറിയത്.
സിനിമയുടെ സെറ്റില് നിന്നും ഡയാനയ്ക്ക് നയന്താര എന്ന പേരിട്ടതിനെ കുറിച്ച് സംവിധായകന് മുന്പ് പലപ്പോഴും പറഞ്ഞിട്ടുണ്ട്. തമിഴ് സിനിമയാണ് നയൻതാരയുടെ ജീവിതത്തിൽ വഴിത്തിരിവുണ്ടാക്കിയത്.
മിന്നും നായികയായി വളര്ന്നതോട് കൂടി തെന്നിന്ത്യയുടെ ലേഡീസൂപ്പര്സ്റ്റാര് എന്ന പട്ടം നയന്താര സ്വന്തമാക്കി.
നയന്താരയും സംവിധായകന് വിഘ്നേഷ് ശിവനും തമ്മിൽ ഏറെ നാളായി പ്രണയത്തിലാണ്. ഇരുവരുടെയും വിവാഹത്തിനായി കാത്തിരിക്കുകയാണ് ആരാധകർ. ഇരുവരും തമ്മിലുള്ള വിവാഹനിശ്ചയം കഴിഞ്ഞതായി നയന്താര സ്ഥിരീകരിച്ചിരുന്നു. ജൂൺ 9ന് തിരുപ്പതിയിൽ വച്ച് ഇരുവരും വിവാഹിതരാകും. സുഹൃത്തുക്കള്ക്കായുള്ള വിവാഹ റിസപ്ഷൻ മാലിദ്വീപിൽവച്ചാകും നടത്തുക.
