പൊരുത്തപ്പെട്ടു പോകുവാൻ കഴിയാത്തതിനാൽ തങ്ങൾ ഭാര്യ ഭർത്താക്കന്മാർ എന്ന ബന്ധത്തിൽ നിന്ന് വേർപിരിയുന്നു എങ്കിലും നല്ല സുഹൃത്തുക്കളായി തുടരും എന്ന് അറിയിച്ചു കൊണ്ടാണ് താര ദമ്പതികളായ സമാന്തയുടെയും നാഗ ചൈതന്യയുടെയും ഡിവോഴ്സ് വാർത്ത സ്ഥിരീകരിച്ചത്. നാഗ ചൈതന്യയി വിവാഹ മോചിതയാകുന്നു എന്ന് തിരിച്ചറിഞ്ഞ നിമിഷം, ആ വസ്തുതയെ ഞാന് അംഗീകരിച്ച് കഴിഞ്ഞപ്പോള് തകര്ന്ന് പോയി, ഞാന് മരിക്കുകയാണ്. മുന്നോട്ട് ഇനി ഇല്ല എന്ന് പോലും ചിന്തിച്ചു. പക്ഷെ ഈ വേദനകളോടെ എല്ലാം ഞാന് ഇനിയും ജീവിയ്ക്കും എന്ന ഉറച്ച തീരുമാനം എടുത്തപ്പോള് എനിക്ക് എന്നോട് തന്നെ അഭിമാനം തോന്നി. പൊതുവെ നമ്മള് കടന്ന് പോകുന്നത് വളരെ അധികം കഷ്ടത നിറഞ്ഞ വഴിയിലൂടെയാണ്, അത് പകുതിയും എത്തിക്കഴിഞ്ഞു എന്ന വസ്തുത തിരിച്ചറിയുമ്പോള്, അത് അംഗീകരിയ്ക്കുകയും അതിനോട് പൊരുതുകയും ശബ്ദമുയര്ത്തുകയുമാണ് ചെയ്യുന്നത്. ഞാന് ചെയ്തതും അതാണ് എന്ന് സമാന്ത നേരത്തേ പറഞ്ഞിരുന്നു.
വേര്പിരിയലിന്റെ വേദനയില് നിന്നും പുറത്ത് കടക്കാന് എനിക്ക് കഴിയും എന്ന് ഒരിക്കലും കരുതിയിരുന്നില്ല. പക്ഷെ അതിന് സാധിച്ചു. എനിക്ക് എന്നോട് തന്നെ അഭിമാനം തോന്നുന്നു. ഞാന് എത്ര ശക്തയാണ് എന്ന് സ്വയം ആലോചിച്ചിരുന്നുവെന്നും സമാന്ത പറഞ്ഞിരുന്നു. ഇപ്പോഴിതാ താൻ നേരിട്ട പ്രതിസന്ധി ഘട്ടത്തെ തരണം ചെയ്തത് എങ്ങനെയെന്ന് പറയുന്ന സമാന്തയുടെ ഒരു വീഡിയോ സോഷ്യൽ മീഡിയയിൽ വൈറലാണ്. ഈ വീഡിയോയിൽ നാഗ ചൈതന്യയുമായുള്ള ബന്ധം ഒരു പരാജയമല്ലെന്നും അതിനുള്ള കാരണവും നടി പറയുന്നുണ്ട്. നടിയുടെ വാക്കുകളുടെ പൂർണ്ണ രൂപം ചുവടെ വായിക്കാം.
ഒരു പക്ഷേ ഇൻ്ഡിപെൻഡൻ്റായ സ്ത്രീ എന്ന നിലയിൽ ഞാൻ ശക്തയായിരിക്കാം. കോംപ്രമൈസാണ് ഒരു ദാമ്പത്യത്തിലെ നമ്പർ വൺ ക്വാളിറ്റി എന്നാണ് ഞാൻ വിശ്വസിക്കുന്നത്. സോഷ്യൽ മീഡിയയിൽ പോലും ജീവിതം വളരെ പർെഫക്ടാണ് എന്ന് കാണിക്കുന്നതിലാണ് എല്ലാവരും ശ്രദ്ധ കൊടുക്കുന്നത്. ഈ സ്ട്രെസ്ഫുള്ളായ ലോകത്ത് എല്ലാവരും ഫോക്കസ് ചെയ്യുന്നത് ഇക്കാര്യത്തിലാണ്. അതുകൊണ്ടു തന്നെ നമ്മുടെ കുറവുകളെ കുറിച്ചോ നമ്മൾ അനുഭവിക്കുന്ന വേദനകളെ കുറിച്ചോ നമ്മുടെ ഉത്കണ്ഠകളെ കുറിച്ചോ ഒക്കെ സംസാരിക്കാൻ ബുദ്ധിമുട്ടുണ്ടാകും.
അങ്ങനെ സോഷ്യൽ മീഡിയയിൽ 'ജീവിക്കുന്നവർക്ക്' അത്തരത്തിലുള്ള ബുദ്ധിമുട്ടുകളുണ്ടാകാറുണ്ട്. എനിക്കും അത്തരത്തിൽ പെർഫെക്ട് ലൈഫ് സോഷ്യൽ മീഡിയയിൽ അവതരിപ്പിക്കുന്ന കാര്യത്തിൽ വലിയ സമ്മർദ്ദം അനുഭവിക്കേണ്ടി വന്നിട്ടുണ്ട്. പക്ഷേ ഞാനിപ്പോൾ ഒരു കാര്യം പറയട്ടെ. ആരുടെയും ജീവിതം അത്ര പെർഫെക്ടല്ല. അതാണ് സത്യം.അതുകൊണ്ട് എന്നെപ്പോലുള്ളവർ തീർച്ചയായും ഈ ജീവിതത്തില ഗ്ലാമറിനെയും തിളക്കത്തെയും കുറിച്ച് മാത്രമല്ല, വേദനയയും, കഷ്ടപ്പാടുകളെ കുറിച്ചും, ബുദ്ധിമുട്ടുകളെ കുറിച്ചും കൂടുതൽ സംസാരിക്കേണ്ട സമയമാണിതെന്ന് ഞാൻ കരുതുന്നു. അതിനെക്കുറിച്ച് സംസാരിക്കുന്നത് വളരെ സാധാരണമാണ് താനും. സഹായം ചോദിക്കുന്നതും സർവ്വ സാധാരണമാണെന്ന് മനസിലാക്കേണ്ടതുണ്ട്.
എൻ്റെ ജീവിതത്തിൽ ഒരു ബുദ്ധിമുട്ടേറിയ സമയത്തിലൂടെ കടന്നുപോയപ്പോൾ ഞാൻ ഒരുപാട് പേരോട് സഹായം അഭ്യർത്ഥിച്ചു. എൻ്റെ സുഹൃത്തുക്കളിൽ നിന്നും ഉപദേശകരിൽ നിന്നും സഹായം തേടി. അത് എൻ്റെ ജീവിതത്തിൽ വലിയ മാറ്റമാണ് ഉണ്ടാക്കിയിട്ടുള്ളത്. ഇപ്പോൾ എൻ്റെ ജീവിതത്തിൻ്റെ അടുത്ത ഭാഗത്തിലേക്ക് കടക്കാൻ തയ്യാറാണ്. ഞാൻ മാത്രം ശക്തയായതു കൊണ്ടല്ല, പക്ഷേ എനിക്ക് ചുറ്റുമുള്ള നിരവധി ആളുകൾ എന്നെ ശക്തയാക്കാൻ സഹായിക്കുകയായിരുന്നു. അതിനാൽ, നമ്മളുടെ ബുദ്ധിമുട്ടേറിയ അവസ്ഥകൾ വളരെ സാധാരണ നിലയിലാക്കാൻ ഇത്തരത്തിലുള്ള സഹായം ആവശ്യപ്പെടുന്നത് സാധാരണമാക്കി മാറ്റാനുമുള്ള സമയമാണിതെന്ന് ഞാൻ കരുതുന്നത്. നിങ്ങൾ ഡോക്ടറുടെ അടുത്ത് പോയി സഹായം ചോദിക്കുന്നതു പോലെ തന്നെയേ ഉള്ളൂ. നമ്മളുടെ ഒരു അവയവത്തിനു പറ്റുന്ന തകരാറിനു ചികിത്സിക്കുമ്പോലെ തന്നെ തകർന്ന ഹൃദയത്തിനായി നമുക്കും ചികിത്സ നൽകാം.
അതിനായി എല്ലാവരും ഒത്തുചേരേണ്ട സമയമാണിത്. കാരണം നിങ്ങൾ ഒരു ബുദ്ധിമുട്ട് അനുഭവിക്കുന്ന അവസ്ഥയിലൂടെ കടന്നുപോകുമ്പോൾ 'ഞങ്ങളെ വിളിക്കൂ' എന്ന് ഡോക്ടർമാർക്ക് പറയാനാകില്ലല്ലോ. ഇത് സുഹൃത്തുക്കൾക്കും കുടുംബാംഗങ്ങൾക്കും വേണ്ടിയുമുള്ള സമയമാണ്, എല്ലാം ശരിയാകും എന്ന് അവരെല്ലാം പറയും, മാത്രമല്ല, അത് തീർച്ചയായും ശരിയാകും.. നിങ്ങൾക്ക് സഹായം ആവശ്യമുണ്ടെങ്കിൽ സുഹൃത്തുക്കളും കുടുംബാംഗങ്ങളോടും പറയേണ്ട സമയമാണിത്. സഹായം ചോദിക്കുക, സഹായം തേടുക. കാരണം സഹായിക്കാൻ തയ്യാറുള്ള ആളുകളുണ്ട്, കൗൺസിലർമാരുണ്ട്, നമ്മളെല്ലാവർക്കും ഇത് നല്ല രീതിയിൽ തന്നെ ചെയ്യാനുള്ള സമയമാണിതെന്ന് ഞാൻ കരുതുന്നുവെന്നും സമാന്ത പറഞ്ഞു.
എപ്പോഴും അവൻ എനിക്ക് വളരെ സ്പെഷ്യലാണ്. കാരണം അവൻ ഇപ്പോഴും എൻ്റെ ഏറ്റവും അടുത്ത സുഹൃത്താണ്, ആ സൗഹൃദം 8-9 വർഷം വരെ നീണ്ടുനിന്നതിൻ്റെ കാരണവും അതാണ്, അതാണ് ഈ ബന്ധം ഒരിക്കലും അവസാനിക്കാത്തതിൻ്റെ കാരണം. കാരണം ഞങ്ങൾ പരസ്പരം വളരെയധികം കണ്ടിട്ടുണ്ട്, മനസിലാക്കിയിട്ടുണ്ട്. അതു തന്നെയാണ് ഞങ്ങളെ ഇന്നു കാണുന്ന ആളുകളാക്കി മാറ്റിയത്. അതിനാൽ അത് ഒരിക്കലും പരാജയപ്പെടുകയില്ലെന്നും ഇടറുന്ന സ്വരത്തോടെ സമാന്ത പറഞ്ഞു.
