വാഷിങ്ടണ്: ടെക്സസിലെ ഉവാല്ഡെയില് റോബ് എലമെന്ററി സ്കൂളില് 21 പേരെ വെടിവച്ചുകൊന്ന സംഭവത്തില് മാപ്പപേക്ഷിച്ച് കൊലപാതകിയുടെ അമ്മ. 'എനിക്ക് മാപ്പ് നല്കണം. എന്റെ മകനോടും പൊറുക്കണം. അവന് കൊല ചെയ്തതിനു പിന്നില് അവന്റേതായ എന്തെങ്കിലും കാരണങ്ങള് ഉണ്ടാകാം. അവനെതിരെ വിധിയെഴുതരുത്. വെടിവയ്പ്പില് കൊല്ലപ്പെട്ട നിഷ്ക്കളങ്കരായ കുട്ടികളുടെ മാപ്പ് മാത്രമാണ് എനിക്ക് വേണ്ടത്'കൊലപാതകിയായ സാല്വദോര് റമോസിന്റെ മാതാവ് അഡ്രിയാന മാര്ട്ടിനെസ് പറഞ്ഞു.
'എനിക്ക് പറയാന് വാക്കുകളില്ല, അവനെന്തിനാണ് ഇത് ചെയ്തതെന്ന് എനിക്കറിയില്ല' കുട്ടികളെ കൊലപ്പെടുത്താനുള്ള കാരണമെന്താവും എന്ന ചോദ്യത്തിന് പൊട്ടിക്കരഞ്ഞുകൊണ്ട് അഡ്രിയാന പറഞ്ഞു.
ടെക്സസിലെ സാന് അന്റോണിയോ നഗരത്തില് നിന്ന് 130 കിലോമീറ്റര് അകലെയായാണ് ഉവാല്ഡെയിന് പട്ടണത്തിലെ സ്കൂളിലാണ് വെടിവെപ്പ് നടന്നത്. സ്കൂളിന്റെ സമീപത്ത് താമസിച്ചിരുന്ന റാമോസ് തന്റെ മുത്തശ്ശിയെ വെടിവച്ച ശേഷം റാമോസ് സ്കൂളിലേക്ക് എത്തി കൂട്ടക്കൊല നടത്തുകയായിരുന്നു.
Comments