ഇലക്ട്രിക് ഇരുചക്ര വാഹന നിര്മാതാക്കളായ ഏഥര് എനര്ജിയുടെ 450എക്സ്, 450 പ്ലസ് മൂന്നാം തലമുറ വിപണിയിലെത്തി. വാഹനത്തിന്റെ വില 1.17 ലക്ഷം മുതല് 1.39 ലക്ഷം വരെയാണ്. പുതുക്കിയ വലിയ ബാറ്ററി മറ്റു ചില നവീന ഫീച്ചറുകള് എന്നിവ ചേര്ത്താണ് വാഹനം വിപണിയിലെത്തിയത്. പഴയ മോഡലിലെ 2.9 കിലോവാട്ട് ബാറ്ററി പായ്ക്കില് നിന്ന് 3.7 കിലോവാട്ട് ബാറ്ററിയിലേക്കുള്ള മാറ്റമാണ് പുതിയ വാഹനങ്ങളില്
450 പ്ലസിന് കമ്പനി വാഗ്ദാനം ചെയ്യുന്നത് 108 കിലോമീറ്ററാണ്. വലിയ ബാറ്ററി എത്തിയതോടെ വാഹനത്തിന്റെ ആകെ ഭാരത്തില് ഉയര്ച്ചയുണ്ടായതും റൈഡ് കൂടുതല് സുഖകരമാക്കുമെന്ന് കരുതുന്നു. പഴയ മോഡലിന്റെ ആകെ ഭാരം 108 കിലോഗ്രാമായിരുന്നത് പുതിയതില് 111.6 കിലോഗ്രാമായാണ് ഉയര്ന്നത്. റൈഡിന് കൂടുതല് ദൃഢത നല്കാന് പിന്നില് പുതിയ 100/8012 ടയറുകള് നല്കി.
വാഹനത്തിന്റെ ഡാഷ്ബോര്ഡ് റാം 1 ജിബിയില് നിന്ന് 2 ജിബിയായി ഉയര്ത്തിയിട്ടുണ്ട്. ബ്ലൂടൂത്ത് കണക്ടിവിറ്റിയുള്ള ടച്ച്സ്ക്രീന് ഡാഷ്ബോര്ഡില് ഫോണ് കോളുകള്, മ്യൂസിക് എന്നിവ നിയന്ത്രിക്കാന് സൗകര്യമുണ്ട്. 7 ഇച് ടച്ച്സ്ക്രീന് ഡാഷ്ബോര്ഡിന് 16 മില്യണ് കളര് ഡെപ്ത്, സ്നാപ് ഡ്രാഗണ് ക്വാഡ് കോര് പ്രോസസര് എന്നീ ആധുനികതകളുണ്ട്. ഗൂഗിള് നാവിഗേഷന്, ഓണ് ബോര്ഡ് ഡയഗ്നോസ്റ്റിക്, ഓവര് ദി ഇയര് അപ്ഡേറ്റ്, ഓട്ടോ ഇന്ഡിക്കേറ്റര് ഓഫ്, ഗൈഡ് മി ഹോം ലൈറ്റ് തുടങ്ങിയ ഫീച്ചറുകളുമുണ്ട്.
