ന്യൂഡല്ഹി: സംവരണ മണ്ഡലങ്ങളില് തുടര്ച്ചയായി നേരിടുന്ന പരാജയം മറികടക്കാന് പുതിയ തന്ത്രവുമായി കോണ്ഗ്രസ്. പട്ടികജാതി/പട്ടികവര്ഗ്ഗ/ന്യൂനപക്ഷ പാര്ശ്വവല്ക്കരിക്കപ്പെട്ട നാലു വിഭാഗങ്ങളില് നിന്നും പുതിയ പാര്ട്ടി നേതാക്കളെ ഉയര്ത്തിക്കൊണ്ടുവരാന് പദ്ധതികള് അണിയറയില് തയ്യാറാക്കുന്നു. 2023 ഏപ്രിലിലേക്ക് പരിപാടി ലക്ഷ്യമിടുന്നത്.
2024 ലോക്സഭാ തെരഞ്ഞെടുപ്പില് തെരഞ്ഞെടുക്കപ്പെട്ട 56 സംവരണ മണ്ഡലങ്ങളിലേക്ക് ഗുണമേന്മയുള്ള പുതിയ നേതാക്കളെ ഉയര്ത്തിക്കൊണ്ടു വരികയാണ് ലക്ഷ്യം. കോണ്ഗ്രസ് പുതിയതായ കണ്ടുപിടിച്ചിരിക്കുന്ന നേതൃത്വ വികസന പരിപാടിയില് മൂന്ന് മാസത്തിനുള്ളില് ജില്ലാ അടിസ്ഥാനത്തില് പട്ടികജാതി/വര്ഗ്ഗ/പിന്നാക്ക/ന്യൂനപക്ഷ മേഖലകളില് നിന്നുള്ള മിടുക്കന്മാരെ കണ്ടെത്തും. അവരെ ഉയര്ത്തിക്കൊണ്ടു വന്ന് സംവരണ മണ്ഡലങ്ങളില് വിന്യസിപ്പിക്കുകയാണ് ലക്ഷ്യം.
പഞ്ചായത്ത്, പ്രാദേശിക തെരഞ്ഞെടുപ്പുകള്, ജാതി/സമുദായ നേതാക്കള്, മനുഷ്യാവകാശ പ്രവര്ത്തകര്, രാഷ്ട്രീയത്തിലുള്ള യുവനേതാക്കള് എന്നിങ്ങനെ പ്രാദേശികമായി മികവ് തെളിയിച്ചവരായിരിക്കും റഡാറിന്റെ പരിധിയില് കൊണ്ടുവരിക. ഇവര്ക്ക് സമൂഹത്തില് കൂടുതല് സ്വാധീനം നേടാനുള്ള സഹായം പാര്ട്ടി ചെയ്തു കൊടുക്കും. അതിന് ശേഷം പാര്ലമെന്ററി തെരഞ്ഞെടുപ്പില് ഉപയോഗിക്കും.
ചുമതലപ്പെടുത്തിയിട്ടുള്ളവര് ഏപ്രില് ആദ്യം ഇക്കാര്യത്തിലുള്ള പ്രോഗ്രസ് റിപ്പോര്ട്ട് നല്കും. ഇവര് നല്കുന്ന വിവരം അനുസരിച്ചുളളവര്ക്കാണ് പരിശീലനം നല്കുക. 56 സീറ്റുകളില് ഓരോ സംസ്ഥാനത്തും പട്ടികജാതി/വര്ഗ്ഗ/പിന്നാക്ക/ന്യൂനപക്ഷ വിഭാഗത്തിന് രു കോ - ഓര്ഡിനേറ്ററും ഉണ്ടാകും. 2019 ലെ തെരഞ്ഞെടുപ്പില് പാര്ട്ടി പിന്നില് പോയ 28 പട്ടികജാതി /പട്ടികവര്ഗ്ഗ സീറ്റില് സീറ്റുകളിലാണ് ശ്രദ്ധ കേന്ദ്രീകരിച്ചിരിക്കുന്നത്.
2024 തെരഞ്ഞെടുപ്പ് ലക്ഷ്യമിട്ട് 17 സംസ്ഥാനങ്ങളിലായുള്ള 56 സംവരണ മണ്ഡലങ്ങളില് അടിത്തട്ട് ജോലികള് കോണ്ഗ്രസ് ചുരുക്കപ്പട്ടിക തയ്യാറാക്കിയിരിക്കുകയാണ്. 2014 മുതലാണ് സംവരണ സീറ്റുകളില് കോണ്ഗ്രസിന് അടിതെറ്റിത്തുടങ്ങിയത്. 2019 ല് റണ്ണറപ്പുകളായ സംവണ സീറ്റുകളില് അടിയന്തിര ശ്രദ്ധ വേണമെന്ന് വന്നതിനെ തുടര്ന്നായിരുന്നു. കഴിഞ്ഞ തവണ 10 സംവരണ സീറ്റുകളിലാണ് ജയിക്കാനായത്.
മഹാരാഷ്ട്ര, മദ്ധ്യപ്രദേശ്, രാജസ്ഥാന് എന്നിവിടങ്ങളില് നാലു വീതം സീറ്റുകള് സംവരണ സീറ്റുകളാണ്. തെലുങ്കാനയില് മൂന്നും ബീഹാര്, ഗുജറാത്ത്, ഹരിയാന എന്നിവിടങ്ങളില് ഈ രണ്ടു വീതവുമുണ്ട്. മദ്ധ്യപ്രദേശില് ആറ്, ഗുജറാത്തില് നാല്, ഛത്തീസ്ഗഡ്, രാജസ്ഥാന് എന്നിവിടങ്ങളില് മൂന്നും ഝാര്ഖണ്ഡ്, മഹാരാഷ്ട്ര, കര്ണാടക, തെലുങ്കാന എന്നിവിടങ്ങളില് രണ്ടു വീതവുമാണ് പട്ടികവര്ഗ്ഗത്തില് പെട്ട സീറ്റുകള്.
