കോഴിക്കോട് : കെഎസ്ആര്ടിസി ടെര്മ്മിനലിന്റെ തൂണുകള്ക്കും സ്ലാബുകള്ക്കും പ്രതീക്ഷിച്ചതിനെക്കാള് ആശങ്കാജനകമായ ബലക്ഷയം എന്ന് റിപ്പോര്ട്ട് . അന്തിമറിപ്പോര്ട്ട് മദ്രാസ് ഐഐടി ഗതാഗതമന്ത്രി ആന്റണി രാജുവിന് കൈമാറി. ടെര്മിലിന്റെ 90 ശതമാനം തൂണുകളും 80 ശതമാനം സ്ലാബുകളും ബീമുകളും ബലപ്പെടുത്തണമെന്ന് റിപ്പോര്ട്ടില് പറയുന്നു.
ഓരോ തുണുകളിലെയും വിള്ളലുകള് പ്രതേകം പ്രതേകം അടയ്ക്കണം . സിമെന്റും പ്രതേകം തയ്യാറാക്കിയ മിശ്രിതവും മചര്ത്താണ് ഇവ തയ്യാറാക്കേണ്ടത്. തയ്യാറാക്കുന്ന മിശ്രിതം ഓരോ തൂണിലും നിറയ്ക്കണം. 29.6 കോടി രൂപ കൂടി ബലപ്പെടുത്തല് പ്രക്രിയയ്ക്ക് വേണ്ടി വരുമെന്ന് റിപ്പോട്ടില് പറയുന്നു. കെട്ടിടത്തിന്റെ അരികിലുള്ള ഭാഗത്തിന് ബലമില്ലാത്തത് തൂണുകളെ ബാധിച്ചിട്ടുണ്ടാകാമെന്നാണ് മദ്രാസ് ഐഐടിയുടെ വിലയിരുത്തല്.
2015 ലായിരുന്നു 75 കോടി ചിലവിട്ട് കോഴിക്കോട് ടെര്മ്മിനല് പൂര്ത്തിയാക്കിയത്. 15 മാസങ്ങള്ക്ക് മുന്നേ കെട്ടിടത്തിന് ബലക്ഷയമുണ്ടെന്ന ഐഐടിയുടെ പ്രാഥമിക റിപ്പോര്ട്ട്പുറത്തുവന്നിരുന്നു. എന്നാല് അന്തിമ റിപ്പോര്ട്ട് ഇപ്പോഴാണ് മന്ത്രിക്ക് സമര്പ്പിച്ചത്.
