ക്രിക്കറ്റ് പ്രേമികളുടെ ഇഷ്ടതാരമാണ് എം.എസ്. ധോണി. ധോണിയുടെ കുടുംബവും അവരുടെ വിശേഷങ്ങളുമൊക്കെ സോഷ്യല് മീഡിയ ആരാധകര് ഏറ്റെടുക്കാറുണ്ട്. എം.എസ്. ധോണിയുടെ സിനിമാ നിർമാണക്കമ്പനിയായ ധോണി എന്റര്ടെയ്ന്മെന്റ്സ് നിർമിക്കുന്ന ആദ്യ സിനിമ തമിഴിലാണെന്ന് കഴിഞ്ഞ ദിവസം പ്രഖ്യാപിച്ചിരുന്നു.
ധോണിയുടെ ഭാര്യ സാക്ഷി സിങ് റാവത്താണ് പ്രൊഡക്ഷൻ കമ്പനിയുടെ മാനേജിങ് ഡയറക്ടർ. ഇപ്പോഴിതാ ‘ലെറ്റ്സ് ഗെറ്റ് മാരീഡ്’ എന്ന് പേരിട്ടിരിക്കുന്ന സിനിമയുടെ പൂജ ചടങ്ങിൽ പങ്കെടുത്ത സാക്ഷി ധോണിയുടെ വീഡിയോയാണ് സോഷ്യല് മീഡിയയില് ട്രെന്ഡിംഗ്. ഹരീഷ് കല്യാൺ, ഇവാന (അലീന ഷാജി) എന്നിവർ ഒന്നിക്കുന്ന ചിത്രം രമേഷ് തമിൽമണി സംവിധാനം ചെയ്യും. യോഗി ബാബു, നദിയ മൊയ്തു എന്നിവരാണ് മറ്റ് അഭിനേതാക്കള്. സിനിമയുടെ ചിത്രീകരണം ചെന്നൈയിൽ ആരംഭിച്ചിരിക്കുകയാണ്.
