ആരാധകര്ക്കേറെ പ്രിയപ്പെട്ട താരമാണ് സൂപ്പര് സ്റ്റാര് മമ്മൂട്ടി. ഒട്ടനവധി മികച്ച കഥാപാത്രങ്ങളെ പ്രേക്ഷകര്ക്ക് സമ്മാനിച്ച മെഗാസ്റ്റാറിന് പ്രായഭേദമന്യേ നിരവധി ആരാധകരാണുളളത്. ഇപ്പോഴിതാ തനിക്ക് മമ്മൂട്ടിയോടുളള ആരാധനയെക്കുറിച്ച് എഴുത്തുകാരി ശോഭ ഡേ പറഞ്ഞ വാക്കുകളാണ് ശ്രദ്ധ നേടുന്നത്. ഒരിക്കല് കൂടി ജീവിക്കാന് അവസരം ലഭിക്കുകയാണെങ്കില് മമ്മൂട്ടിയായി ജീവിക്കാനാണ് ആഗ്രഹമെന്നാണ് ശോഭ പറഞ്ഞത്.
‘പഴയ സിനിമകളിലാണ് ഞാന് ആദ്യമായി മമ്മൂട്ടിയെ കണ്ടത്. അദ്ദേഹത്തോട് അന്നുതന്നെ ഒരുപാട് ഇഷ്ടംതോന്നി. ഹോളിവുഡിലോ ബോളിവുഡിലോ മറ്റൊരു നടനിലും കാണാത്ത പാറപോലെ വിരിഞ്ഞ മാറിടം അദ്ദേഹത്തിനുണ്ട്. എന്നെങ്കിലും അദ്ദേഹത്തെ നേരില് കാണാന് കഴിയുമോ എന്ന് ഞാനെന്റെ ഭര്ത്താവിനോട് ചോദിച്ചിട്ടുണ്ട്. അദ്ദേഹത്തിന്റെ ആ ശബ്ദം, കണ്ണുകളിലെ കരുണ, മൃദുലത ഇവയെല്ലാം അദ്ദേഹത്തിന്റെ പ്രത്യേകതകളാണ്’ ശോഭ പറഞ്ഞു.
‘എന്നെങ്കിലും ഒരിക്കല് അദ്ദേഹത്തെ നേരില് കാണുകയാണെങ്കില് അദ്ദേഹത്തിന്റെ നെഞ്ചില് തല ചായ്ക്കണം, സ്വര്ഗത്തില് പോയ അനുഭവമാകുമത്’ ശോഭ കൂട്ടിച്ചേര്ത്തു.
