കണ്ണൂര്: പാര്ട്ടിയുടെ തണലില് വളര്ന്ന സൈബര് സഖാക്കള് ക്വട്ടേഷന് സംഘങ്ങളായി പാര്ട്ടിയെത്തന്നെ വെല്ലുവിളിക്കാന് തുടങ്ങിയതോടെ ഒതുക്കാന് സി.പി.എം. കൊല്ലിച്ചവര് സുരക്ഷിതരായി അധികാര സോപാനങ്ങളിലിരിക്കുകയും കൊന്നവര് പെരുവഴിവഴിയിലാവുകയും ചെയ്തെന്ന ആകാശ് തില്ലങ്കേരിയുടെ ഫെയ്സ്ബുക്ക് ആരോപണത്തിനെതിരേ പടപ്പുറപ്പാടുമായി സി.പി.എം. സഹയാത്രികരും പ്രവര്ത്തകരും.
സാമൂഹിക മാധ്യമത്തില് ആരോപണ പ്രത്യാരോപണങ്ങള് സഭ്യതയുടെ അതിരു കടന്നു. ലഹരിക്കടത്തും കളളവാറ്റും സ്ത്രീവിഷയവുമെല്ലാം സാമൂഹിക മാധ്യമങ്ങളില് നിറയുന്നത് സി.പി.എം നേതൃത്വത്തിനും തലവേദനയായി.യൂത്ത് കോണ്ഗ്രസ് പ്രവര്ത്തകന് ഷുെഹെബിനെ വധിച്ച കേസിലെ പ്രതിയാണ് ആകാശ്.
പാര്ട്ടി തങ്ങളെക്കൊണ്ടു പലതും ചെയ്യിപ്പിച്ചുവെന്ന ആകാശിന്റെ വെളിപ്പെടുത്തല് ഷുെഹെബ് വധത്തിലെ സി.പി.എമ്മിന്റെ പങ്കിലേക്കാണ് വിരല് ചൂണ്ടുന്നത്. ഈ വിഷയം കോണ്ഗ്രസ് രാഷ്്രടീയവിഷയമായി ഏറ്റെടുക്കുകയും ചെയ്തു. ഷുെഹെബ് വധത്തില് പാര്ട്ടിക്കു പങ്കില്ലെന്നും വ്യക്തിെവെരാഗ്യമാണ് കൊലപാതകത്തിന് ഇടയാക്കിയതെന്നുമാണ് സി.പി.എം. കണ്ണൂര് ജില്ലാ സെക്രട്ടറി എം.വി. ജയരാജന് പറയുന്നത്.
വധക്കേസിലെ പങ്ക് മറച്ചുവയ്ക്കാനും മാപ്പുസാക്ഷിയായി രക്ഷപ്പെടാനുമുള്ള തന്ത്രമാണ് ക്വട്ടേഷന് നേതാവ് നടത്തിയത്. ഏതു നേതാവാണ് ഷുെഹെബിനെ കൊല്ലാന് വേണ്ടി ക്വട്ടേഷന് നല്കിയതെന്ന് െധെര്യമുണ്ടെങ്കില് ആകാശ് തില്ലങ്കേരി പറയണമെന്നും ജയരാജന് പറഞ്ഞു.
പി. ജയരാജന് കണ്ണൂര് ജില്ലാ സെക്രട്ടറിയായിരിക്കെ സജീവപാര്ട്ടി പ്രവര്ത്തകരായിരുന്ന ആകാശ് തില്ലങ്കേരി അടക്കമുള്ളവരെ പിന്നീട് സ്വര്ണക്കടത്ത്, ക്വട്ടേഷന് ബന്ധത്തിന്റെ പേരില് സി.പി.എം. അകത്തും പുറത്തുമല്ലാതെ നിര്ത്തിയിരിക്കുകയായിരുന്നു. സാമൂഹിക മാധ്യമങ്ങളില് പി. ജയരാജന്റെ വാഴ്ത്തുപാട്ടുകാരായിരുന്നു ആകാശും സംഘവും. കൊലക്കേസും ക്വട്ടേഷന് ആരോപണങ്ങളും വന്നപ്പോള് പാര്ട്ടി നേതൃത്വം വിലക്കുകയും പി. ജയരാജന് ഇവരെ തള്ളിപ്പറയേണ്ടിയും വന്നു.
അതിനിടെ, സാമൂഹിക മാധ്യമങ്ങള് വഴി അപമാനിച്ചുവെന്ന ഡി.െവെ.എഫ്.ഐ. വനിതാ നേതാവിന്റെ പരാതിയില് ആകാശ് തില്ലങ്കേരിക്കെതിരേ ജാമ്യമില്ലാ കുറ്റം ചുമത്തി കണ്ണൂര് മുഴക്കുന്ന് പോലീസ് കേസ് രജിസ്റ്റര് ചെയ്തു. ജയപ്രകാശ് തില്ലങ്കേരി, ജിജോ തില്ലങ്കേരി എന്നിവര്ക്കെതിരെയും കേസെടുത്തു.
സ്ത്രീത്വത്തെ അപമാനിച്ചതടക്കമുള്ള വകുപ്പുകള് ചുമത്തിയാണ് കേസ്. മറ്റൊരു ഡി.െവെ.എഫ്.ഐ. നേതാവിനെ സാമൂഹിക മാധ്യമത്തിലൂടെ ഭീഷണിപ്പെടുത്തിയതിന് ആകാശ് തില്ലങ്കേരിയുടെ പേരില് മട്ടന്നൂര് പോലീസും കേസെടുത്തു. ഡി.െവെ.എഫ്.ഐ. മട്ടന്നൂര് ബ്ലോക്ക് കമ്മിറ്റി എക്സിക്യൂട്ടീവ് അംഗം ബിനീഷിന്റെ പരാതിയിലാണ് കേസെടുത്തത്.
