കാസര്ഗോഡ് : മുഖ്യമന്ത്രി പിണറായി വിജയന് കാസര്ഗോഡ് എത്താനിരിക്കെ വേറിട്ട പ്രതിഷേധവുമായി യൂത്ത് കോണ്ഗ്രസ് .കാഞ്ഞങ്ങാട് നഗരത്തില് മുഖ്യമന്ത്രിയുടെ വരവറിയിച്ചുളള വിളമ്പര ജാഥ നടത്തിയായിരുന്നു പ്രതിഷേധം. മുഖ്യമന്ത്രിയുടെ സുരക്ഷയുടെ പേരില് ജനങ്ങളെ ബുദ്ധിമുട്ടിക്കുന്നത് അവസാനിപ്പിക്കണമെന്നാണ് യൂത്ത് കോണ്ഗ്രസ് ആവശ്യം. യൂത്ത് കോണ്ഗ്രസ് സംസ്ഥാന ജനറല് സെക്രട്ടറി ജോമോന് ജോസ്, ജില്ലാ പ്രസിഡന്റ് പ്രദീപ് കുമാര് , എന്നിവരുടെ നേതൃത്വത്തിലായിരുന്നു പ്രതിഷേധം.
അതേ സമയം മുഖ്യമന്ത്രി പങ്കെടുക്കുന്ന പരിപാടിയില് വീണ്ടും കറുത്ത വസ്ത്രങ്ങള്ക്ക് വിലക്ക്. കോഴിക്കോട് ആര്ട്സ് ആന്ഡ് സയന്സ് കോളജിലെ പരിപാടിയിലാണ് കറുത്ത നിറത്തിലുളള വസ്ത്രങ്ങള് ഒഴിവാക്കണമെന്ന നിര്ദേശം. പ്രിന്സിപ്പല് എടക്കോട് ഷാജിയാണ് ഇത് സംബന്ധിച്ച നിര്ദേശം നല്കിയിരിക്കുന്നത്. കറുത്ത വസ്ത്രങ്ങള് ഒഴിവാക്കണമെന്ന് തനിക്ക് നിര്ദേശം ലഭിച്ചെന്ന് വകുപ്പ് മേധാവികള്ക്ക് നല്കിയ സന്ദേശത്തില് പ്രിന്സിപ്പല് പറയുന്നുണ്ട്
