ആലപ്പുഴ: അഭിപ്രായങ്ങള് പറയേണ്ടത് പാര്ട്ടിക്കുള്ളിലാണെന്നും പരസ്യ പ്രതികരണം കൊണ്ട് ആര്ക്കും ഗുണംചെയ്യില്ലെന്നും കെ.സി.വേണുഗോപാല്. എം.കെ.രാഘവന് എംപിയുടെ വിമര്ശനത്തിനാണ് എഐസിസി ജനറല് സെക്രട്ടറിയുടെ മറുപടി.
ഉപയോഗിച്ച് വലിച്ചെറിയുക എന്നതാണ് കോണ്ഗ്രസ് രീതിയെന്ന രാഘവന്റെ പരാമര്ശത്തിന് മറുപടി പറയുകയായിരുന്നു വേണുഗോപാല്. പ്ലീനറിയില് പങ്കെടുത്തയാളാണ് രാഘവനെന്നും അവിടെയായിരുന്നു അഭിപ്രായം പറയേണ്ടിയിരുന്നതെന്നും പറഞ്ഞു. വിമര്ശനങ്ങള് സ്വാഭാവികമാണെന്നും എന്നാല് അത് ഉന്നയിക്കുന്നത് പുറത്താവരുതെന്നും അദ്ദേഹം കൂട്ടിച്ചേര്ത്തു.
പാര്ട്ടിയില് വിയോജിപ്പും വിമര്ശനവും നടത്താന് പറ്റാത്ത സ്ഥിതിയുണ്ടെന്ന് നേരത്തേ രാഘവന് വിമര്ശിച്ചിരുന്നു. ലീഗില് പോലും ഉള്പ്പാര്ട്ടി ജനാധിപത്യം പുനഃസ്ഥാപിച്ചുവെന്നും എന്നാല് സ്ഥാനവും മാനവും വേണമെങ്കില് മിണ്ടാതിരിക്കുക എന്നതാണ് കോണ്ഗ്രസ് പാര്ട്ടിയുടെ അവസ്ഥയെന്നും രാഘവന് പറഞ്ഞു.
കോഴിക്കോട് പി.ശങ്കരന് സ്മാരക പുരസ്കാരം കെപിസിസി മുന് അധ്യക്ഷന് വി,എം സുധീരന് സമ്മാനിച്ച ചടങ്ങിലായിരുന്നു കോണ്ഗ്രസ് നേതൃത്വത്തെ എം.കെ.രാഘവന് കടുത്ത ഭാഷയില് വിമര്ശിച്ചത്. ഇതോടെയാണ് കോണ്ഗ്രസിന്റെ അഖിലേന്ത്യാ നേതൃത്വത്തിന് മറുപടി പറയേണ്ട അവസ്ഥ വന്നിരിക്കുന്നതും.
