ഏറെ ശ്രദ്ധനേടി താരസമ്പന്നമായ ചിത്രമായിരുന്നു പൊന്നിയന് സെല്വന്. ഈ ചിത്രത്തിന്റെ ഉജ്ജ്വല വിജയത്തിന് ശേഷം ഇതിന്റെ രണ്ടാം ഭാഗത്തിനുവേണ്ടിയുള്ള കാത്തിരിപ്പിലാണ് പ്രേക്ഷകര്. ഇപ്പേളിതാ സിനിമയുടെ ചിത്രീകരണവേളയില് ഐശ്വര്യ റായിയുമൊത്തുള്ള അനുഭവം പങ്കുവച്ചിരിക്കുകയാണ് ഐശ്വര്യ ലക്ഷമി. ആദ്യ ഭാഗത്തില് ഇരുവരും തമ്മില് കോമ്പിനേഷന് സീനുകള് ഒന്നുമില്ല. എന്നാല് രണ്ടാം ഭാഗത്തില് ഇരുവരും ഒരുമിച്ച് സ്ക്രീന് പങ്കിടുന്നുണ്ട്. അപ്പോള് ഉണ്ടായ ഓര്മ്മകളാണ് നടി പറഞ്ഞത്.
ആ സമയത്ത് 'സൈന് ലാഗ്വേജ് ' പഠിക്കാനായി താന് ബുദ്ധിമുട്ടിയപ്പോള് ഐശ്വര്യ റായിയാണ് തന്നെ സഹായിച്ചതെന്ന് താരം വ്യക്തമാക്കി.ഭാഷ അറിയില്ല. തമിഴ് വശമില്ല. വലിയൊരു എ ഫോര് സൈസ് നോട്ട്ബുക്കിലാണ് അവര് ഡയലോഗുകള് എല്ലാം എഴുതിവെച്ച് പ്രാക്ടീസ് ചെയ്യുന്നത്. ഐശ്വര്യ ചിത്രത്തിന്റെ രണ്ടാം ഭാഗത്തില് ഊമറാണിയെന്നൊരു കഥാപാത്രം കൂടി കൈകാര്യം ചെയ്യുന്നതായി താരം വ്യക്തമാക്കി.
'' കപ്പല് വരുഗിറേന് '' എന്ന ഡയലോഗ് സൈന് ലാഗ്വേജില് പറയണം. അതുവരെ ഡയലോഗ് ആയിരുന്നെന്നും എന്തുചെയ്യണമെന്ന് അറിയാതെ നില്ക്കുമ്പോഴാണ് ഐശ്വര്യ തന്നെ സഹായിച്ചതെന്നും താരം പറയുന്നു. മൈല്സ്റ്റോണ് മേക്കേഴ്സിന് നല്കിയ അഭിമുഖത്തിലായിരുന്നു നടിയുടെ പ്രതികരണം. ചിത്രത്തില് പൂങ്കുഴലി എന്ന കഥാപാത്രമായാണ് ഐശ്വര്യ ലക്ഷ്മി എത്തുന്നത്.
