ബോളിവുഡ് നടനായ അര്ജുന് രാംപാല് വ്യത്യസ്തമായ കഥാപാത്രങ്ങള് അവതരിപ്പിച്ച് ആരാധകരുടെ മനസ്സിലിനിടം നേടിയ താരമാണ്. സോഷ്യല് മീഡിയയില് സജീവമായ താരം എല്ലാ വിശേഷങ്ങളും സന്തോഷങ്ങളും അതിലൂടെ പങ്കുവയ്ക്കാറുണ്ട്. ഇപ്പോഴിതാ മകള് മായറ രാംപാല് ഫാഷന് ലോകത്തേക്ക് ചുവടുവച്ച സന്തോഷം പങ്കിടുകയാണ് താരം. ഡിയോറിന്റെ മുംബൈ ഫാഷന് ഷോയിലാണ് മായറ ആദ്യമായി ചുവടുവച്ചത്. ഇന്സ്റ്റഗ്രാമില് പങ്കുവച്ച കുറിപ്പിലൂടെ അര്ജുന് രാംപാല് തന്നെയാണ് ഈ വാര്ത്ത പങ്കുവച്ചത്. പിങ്ക് വസ്ത്രം ധരിച്ച് റാമ്പിലൂടെ നടക്കുന്ന മായറയുടെ ചിത്രത്തിനൊപ്പമായിരുന്നു അര്ജുന്റെ പോസ്റ്റ്. ‘‘ഇന്ന് എന്റെ കുഞ്ഞ് രാജകുമാരി ആദ്യമായി റാമ്പില് ചുവടുവച്ചു. അതും ക്രിസ്റ്റ്യന് ഡിയോറിനുവേണ്ടി. എല്ലാം അവള് ഒറ്റക്കാണ് ചെയ്തത് എന്നതാണ് ഇതില് ഏറ്റവും പ്രത്യേകതയുള്ള കാര്യം. ഒഡിഷന് മുതല് ഫിറ്റിങ്സ് വരെ. എല്ലാ കടുത്ത മത്സരവും മറികടന്ന് അവള് തെരഞ്ഞെടുക്കപ്പെട്ടു. അവള് ഞങ്ങള്ക്കെല്ലാം അഭിമാനമായിരിക്കുകയാണ്. വിജയവും സ്നേഹവും സന്തോഷവുമെല്ലാം ആശംസിക്കുന്നു. നീ സ്റ്റാറാണ് മായറ...’’ എന്നാണ് അര്ജുന് കുറിച്ചത്.
അര്ജുന്റെ പോസ്റ്റിനു താഴെ താരങ്ങള് ഉള്പ്പടെ നിരവധി പേരാണ് മൈറയ്ക്ക് ആശംസകളുമായി എത്തിയിരിക്കുന്നത്. പ്രീതി സിന്റ, അഭിഷേക് കപൂര്, രാഹുല് ദേവ് തുടങ്ങിയ നിരവധി പേര് ആശംസാ കമന്റുകള് കുറിച്ചു. മുന് ഭാര്യയും സൂപ്പര്മോഡലുമായിരുന്ന മെഹര് ജെസിയയില് അര്ജുനുണ്ടായ മകളാണ് മായറ. 2019 ലാണ് ഇരുവരും വേര്പിരിയുന്നത്. ഇപ്പോള് അച്ഛന്റേയും അമ്മയുടേയും വഴിയിലേക്ക് എത്തിയിരിക്കുകയാണ് മായറയും. മഹിറ എന്ന മറ്റൊരു മകള് കൂടി ഇവര്ക്കുണ്ട്.
