ബാംഗ്ലൂര് നഗരം സ്റ്റാര്ട്ടപ്പ് ആശയങ്ങള്ക്കും സംരംഭകര്ക്കും പേരുകേട്ടതാണ്. ആ നഗരത്തിലെ ഒരു റസ്റ്റോറന്റിനെ കുറിച്ചുള്ള ഒരു ഫുഡ് ബ്ലോഗറുടെ വീഡിയോ ആണ് സാമൂഹ മാധ്യമങ്ങളില് ഏറെ വൈറലായിരിയ്ക്കുകയാണ്. കസ്റ്റമേഴ്സിനെ ആകര്ഷിയ്ക്കാനായി ഹോട്ടലുടമകള് ധാരാളം പരീക്ഷണങ്ങള് ചെയ്യാറുണ്ട്. ചില ഹോട്ടലുകാര് വെറൈറ്റി ഭക്ഷണങ്ങള് വിളമ്പുമ്പോള് മറ്റ് ചിലര് ഹോട്ടലിന്റെ ലുക്കിലാണ് വെറൈറ്റി വരുത്താറുള്ളത്.
അതു പോലെ ലുക്കില് മാറ്റം വരുത്തിയ ഒരു ഹോട്ടല് ബാംഗ്ലൂരില് ഉണ്ട്. 'സെന്ട്രല് ജയില്' എന്നാണ് ഹോട്ടലിന്റെ പേര്. വെളിയില് നിന്ന് നോക്കിയാല് സെന്ട്രല് ജയിലിന്റെ കവാടം കാണാം. ഇതിനു മുകളില് ' CENTRAL JAIL'എന്ന് എഴുതിയിട്ടുമുണ്ട്. ബെംഗളൂരുവിലെ എച്ച്എസ്ആര് ലേഔട്ടിലെ 27-ാം മെയിന് റോഡിലാണ് റെസ്റ്റോറന്റ് സ്ഥിതി ചെയ്യുന്നത്,
കവാടത്തിന് താഴെ ഒരു ജയില് പാറാവുകാരന് കാവല് നില്ക്കുന്നുണ്ട്. അതും കടന്ന് ഉള്ളിലേക്ക് കയറാന് വാതില് തുറക്കണം. തല കുനിച്ച് അകത്ത് കയറിയാല് ഒരു ജയിലിന്റെ ഉള്വശം എങ്ങനെയാണോ അതു പോലെയാണ് ഈ റെസ്റ്റോറന്റ് ഡിസൈന് ചെയ്തിരിക്കുന്നത്.
ഇരുന്ന് ഭക്ഷണം കഴിക്കാനായി സെല്ലുകള് ഉണ്ട്. അതിനുള്ളില് മേശയും, കസേരയും ഒരുക്കിയിട്ടുണ്ട്. ഇനി ഭക്ഷണം കഴിക്കാനായി നിങ്ങള് ഒരു മേശ തെരഞ്ഞെടുത്ത് ഇരുന്നെന്നിരിക്കട്ടെ, ഭക്ഷണത്തിന്റെ ഓര്ഡരെടുക്കാനായെത്തുന്നത് ജയില് ഉദ്യോഗസ്ഥന്റെ വേഷം ധരിച്ച ഒരാളാകും. നാട്ടില് കോഫീ ഹൗസില് മാത്രമേ നമുക്ക് വെറൈറ്റി വേഷധാരികളായ വെയിറ്റര്മാരെ കാണാന് സാധിയ്ക്കു. അതു പോലെ ഈ ഹോട്ടലില് ഭക്ഷണം വിളമ്പുന്നത് ജയില്പ്പുള്ളിയുടെ വേഷം ധരിച്ചയാളാണ്. കഴിക്കാന് തരുന്ന പാത്രം പോലും പരമ്പരാഗത ജയിലുകളില് ഉപയോഗിക്കുന്ന തരം പാത്രങ്ങളാണ്. അങ്ങനെ അടിമുടി ജയിലാണ് ഈ ഹോട്ടല്
കൈവിലങ്ങ് അണിഞ്ഞ് സെല്ലില് കിടക്കുന്ന ഒരു ഫോട്ടോ വരെ എടുക്കാനുള്ള സൗകര്യം നമുക്ക് ഉണ്ട്. കൂടാതെ പോലീസ് ഉദ്യോഗസ്ഥന്റേയും, കുറ്റവാളിയുടേയുമൊക്കെ ഒപ്പം നിന്ന് ഫോട്ടോയെടുക്കണമെങ്കില് അതിനും ഈ 'സെന്ട്രല് ജയില് റെസ്റ്റോറന്റില്' സൗകര്യമൊരുക്കിയിട്ടുണ്ട്.
ഹര്ഷ് ഗോയങ്ക തന്റെ ട്വിറ്റര് അക്കൗണ്ടിലൂടെ ഫുഡ് ബ്ലോഗറുടെ വീഡിയോ പങ്കുവച്ചത്. അറുപതിനായിരത്തില് കൂടുതലാളുകള് വീഡിയോ കണ്ടുകഴിഞ്ഞു. നിരവധി കമന്റുകളും വീഡിയോയ്ക്ക് ലഭിച്ചു.
Jail ke mazaa khao….someone took it literally! pic.twitter.com/PD9VB4dlZy
— Harsh Goenka (@hvgoenka) April 8, 2023
