നമ്മള് സ്നേഹിക്കുന്ന ആര്ക്കെങ്കിലും എന്തെങ്കിലും അപകടം സംഭവിച്ചാല് ഒന്നും നോക്കാതെ, സ്വന്തം ജീവന് പോലും കാര്യമാക്കാതെ അവരെ രക്ഷിക്കാന് പുറപ്പെടുന്ന മനുഷ്യരുണ്ട്. ആ സമയത്ത് ധൈര്യം ഇല്ലാത്തവര്ക്കു പോലും എന്തെന്നില്ലാത്ത ധൈര്യം ഉണ്ടാകാറുണ്ട്.
രാജസ്ഥാനിലെ കരൗലിയിലെ കൈംകാച്ച് ഗ്രാമത്തില് കഴിഞ്ഞ ദിവസം ഒരു സംഭവമുണ്ടായി. തന്റെ ആടിന് വെള്ളം കൊടുക്കാന് ചമ്പല് നദിയിലേക്ക് പോകുകയായിരുന്നു 26 -കാരനായ ബാനെ സിംഗ്. എന്നാല് തന്നെ കാത്ത് വലിയൊരു അപകടം മറഞ്ഞിരിയ്ക്കുന്നുണ്ടെന്നു സ്വപ്നത്തില് പോലും വിചാരിച്ചു കാണില്ല ഈ യുവാവ്. നദിയുടെ ഓരത്ത് ഒരു മുതല പതിയിരുന്ന് അയാളുടെ കാലില് കടിച്ചു. എന്നാല്, ബാനെ സിംഗിന്റെ ഭാര്യ വിമല് ബായി സംഭവം നടക്കുന്നതിന്റെ സമീപത്ത് തന്നെ ഉണ്ടായിരുന്നു.
ഇതു കണ്ട ഭാര്യ വിമല് ബായി ഒന്നും നോക്കാതെ ഒരു വടിയുമായി മുതലയുടെ അടുത്തേക്കിറങ്ങി. അവര് മുതലക്കിട്ട് തല്ലിയും, വടി കൊണ്ട് കുത്തിയും ഭര്ത്താവിനെ മുതലയുടെ പിടിയില് നിന്നും രക്ഷിക്കാന് ശ്രമിച്ച് കൊണ്ടിരുന്നു. എന്നാല്, മുതല ഇയാളേയും കൊണ്ട് വെള്ളത്തിലേക്ക് ഇറങ്ങാന് തുടങ്ങി. എന്നിട്ടും പിന്മാറാന് ഇവര് ശ്രമിച്ചില്ല. എങ്ങനെയും തന്റെ ഭര്ത്താവിനെ മുതലയില് നിന്നും രക്ഷിയ്ക്കണം എന്ന ഒറ്റ ചിന്ത മാത്രമേ മനസില് ഇണ്ടായിരുന്നുള്ളു. വിമല് ബായി വടിയെടുത്ത് അതിന്റെ കണ്ണില് കുത്തി. അതോടെ മുതല അയാളെ ഉപേക്ഷിച്ച് വെള്ളത്തിലേക്ക് ഇറങ്ങി പോവുകയും ചെയ്തു.
തന്റെ ഭാര്യ ഈ ധൈര്യം കാണിച്ചില്ലായിരുന്നു എങ്കില് താനിന്ന് ജീവനോടെ കാണുമായിരുന്നില്ല എന്നാണ് ബാനെ സിംഗ് പറയുന്നത്. താന് ഇന്ന് ജീവനോടെ ഇരിയ്ക്കുന്നതിനു കാരണം തന്റെ ഭാര്യ ആണെന്നും അയാള് കൂട്ടി ചേര്ത്തു. ജീവന് രക്ഷിച്ചതിനു ഭാര്യയ്ക്ക് നന്ദി പറയുകയും ചെയ്തു.
വിമല് ബായ് പറയുന്നത് തന്റെ ഭര്ത്താവിന്റെ ജീവന് രക്ഷിക്കാന് താന് തന്നെ കൊണ്ട് കഴിയുന്നതെല്ലാം ചെയ്യും. വേണമെങ്കില് അതിന് വേണ്ടി തന്റെ ജീവന് തന്നെ നല്കാനും തയ്യാറാണ് എന്നാണ്. ഏതായാലും, ഭര്ത്താവിന്റെ ജീവന് രക്ഷിച്ച വിമല് ബായിയെ ഇപ്പോള് ഒരു ഹീറോ ആയിട്ടാണ് ആളുകള് കാണുന്നത്. സോഷ്യല് മീഡിയയിലും ബായി വൈറലായി. ഭര്ത്താവിനെയും, കുഞ്ഞിനേയുമൊക്കെ കൊല്ലുന്ന സ്ത്രീകള് ലോകത്ത് ഉള്ളപ്പോള് വിമല് ബായിയെ പോലെ സ്നേഹ നിധികളായ ഭാര്യമാര് എന്നും മാതൃകയാണ്.
मगरमच्छ के मुँह से अपने पति को बचाने वाली बहादुर विमल मीणा को भी सुनिएगा…सरकार सम्मानित भी कर सकती है…
pic.twitter.com/ZIMbG2JXaE— LP Pant (@pantlp) April 12, 2023
