ന്യൂഡല്ഹി; റസ്ലിംഗ് ഫെഡറേഷന് ഓഫ് ഇന്ത്യക്കെതിരെ വീണ്ടും പ്രതിഷേധവുമായി ഗുസ്തി താരങ്ങള്. പ്രതിഷേധം ഉയര്ന്നത് ഗുസ്തി ഫെഡറേഷന് അധ്യക്ഷന് ബ്രിജ് ഭൂഷണ് സിംഗിനെതിരെയാണ്. ജന്തര് മന്ദറിലാണ് പ്രതിഷേധം ആരംഭിച്ചിരിക്കുന്നത്. രണ്ട് ദിവസം മുന്പ് ഡല്ഹി പൊലീസില് ഏഴ് താരങ്ങള് ലൈംഗിക ചൂഷണം ആരോപിച്ച് പരാതി നല്കിയിരുന്നു.പ്രതിഷേധത്തിന് നേതൃത്വം നല്കുന്നത് വിനേഷ് ഫോഗട്ട്, സാക്ഷി മാലിക്, ബജ്രംഗ് പൂനിയ തുടങ്ങിയ താരങ്ങളാണ്. കേസെടുത്ത് അന്വേഷണം ആരംഭിക്കുന്നത് വരെ പ്രതിഷേധം തുടരുമെന്നാണ് താരങ്ങളുടെ പ്രതികരണം.
ബ്രിജ് ഭൂഷണെ അറസ്റ്റ് ചെയ്യുന്നതുവരെ ഞങ്ങള് ഇവിടെ നിന്ന് പോകില്ല. ഇതിനെതിരെ സര്ക്കാരില് നിന്ന് ഒരു പ്രതികരണവും ലഭിക്കുന്നില്ല. ഞങ്ങള്ക്ക് നീതി ലഭിക്കുന്നത് വരെ ഞങ്ങള് ഇവിടെ തന്നെ ഉറങ്ങുകയും ഭക്ഷണം കഴിക്കുകയും ചെയ്യും. മൂന്ന് മാസമായി ഞങ്ങള് അധികാരികളുമായി ബന്ധപ്പെടാന് ശ്രമിക്കുന്നു. എന്നാല് ആരും ഞങ്ങളോട് പ്രതികരിക്കുന്നില്ല. കായിക മന്ത്രാലയവും ഒന്നും പറഞ്ഞിട്ടില്ല. അവര് ഞങ്ങളുടെ കോളുകള് പോലും എടുക്കുന്നില്ല. ഞങ്ങള് രാജ്യത്തിനായി മെഡലുകള് നേടിയിട്ടുണ്ട്'. എന്നായിരുന്നു ഗുസ്തി താരങ്ങളുടെ പ്രതികരണം.
സമാന സാഹചര്യത്തില് മൂന്ന് മാസം മുമ്പ് ഗുസ്തി താരങ്ങള് സമരം നടത്തിയിരുന്നു. താരങ്ങളുടെ പരാതി അന്വേഷിക്കാന് മേല്നോട്ട സമിതിയും രൂപവത്കരിച്ചു. എം സി മേരി കോമായിരുന്നു സമിതിയുടെ അധ്യക്ഷ. പരാതിയില് ഇതുവരെയായി അന്വേഷണ കമ്മീഷന് റിപ്പോര്ട്ട് പോലും സമര്പ്പിച്ചിട്ടില്ല എന്നാണ് ലഭിക്കുന്ന വിവരം. വനിതാ കമ്മീ,ന് അധ്യക്ഷ സ്വാതി മാലിവാള് സംഭവത്തില് ഇടപ്പെട്ടിരുന്നു. സ്വാതി മാലിവാള് ഡല്ഹി പൊലീസിന് നോട്ടീസ് നല്കി. പ്രായപൂര്ത്തിയാകാത്ത പെണ്കുട്ടിയടക്കം നല്കിയ പരാതിയില് പൊലീസ് നടപടിയെടുത്തില്ല എന്ന് ചൂണ്ടിക്കാണിച്ചാണ് നോട്ടീസ്. കൂടാതെ സംഭവത്തില് വിശദീകരണവും ആവശ്യപ്പെട്ടിരുന്നു.
