സെക്രട്ടറിയേറ്റിലെ നോര്ത്ത് സാന്ഡ് വിച്ച് ബ്ലോക്കില് ഇന്നു രാവിലെ ഉണ്ടായ അഗ്നിബാധയില് ക്രൈംബ്രാഞ്ച് അന്വേഷണത്തിന് സംസ്ഥാന പൊലീസ് മേധാവി അനില് കാന്ത് ഉത്തരവിട്ടു.
ഇന്ന് രാവിലെയാണ് വ്യവസായ മന്ത്രിയുടെ അഡിഷണല് പ്രൈവറ്റ് സെക്രട്ടറിയുടെ ഓഫീസില് തീപിടിച്ചത്. തീപിടുത്തത്തില് ഒരു മുറി കത്തിനശിച്ചു.മന്ത്രിയുടെ അഡീഷണല് പ്രൈവറ്റ് സെക്രട്ടറി വിനോദിന്റെ മുറിയാണ് കത്തിയത്. രണ്ട് ഫയര്ഫോഴ്സ് യൂണിറ്റുകളെത്തിയാണ് തീയണച്ചത്. പൊലീസും സ്ഥലത്തെത്തി പരിശോധന നടത്തി.
തീപിടുത്തം സംബന്ധിച്ച് ബന്ധപ്പെട്ട ഏജന്സികള് അന്വേഷിക്കുമെന്ന് മന്ത്രി പി. രാജീവ് പറഞ്ഞു. ഇ ഫയലുകളാണ് ഓഫീസിലുള്ളതെന്നും ഫയലുകള് ഒന്നും നഷ്ടപ്പെട്ടിട്ടില്ലെന്നാണ് ലഭിക്കുന്ന വിവരമെന്നും മന്ത്രി പറഞ്ഞു
