ന്യൂഡല്ഹി: ദളിത് വിഭാഗത്തില് നിന്നും രാഷ്ട്രപതിയെ ബിജെപി തെരഞ്ഞെടുപ്പ് രാഷ്ട്രീയത്തിന് ഉപയോഗിക്കുകയാണെന്ന് കോണ്ഗ്രസ് അദ്ധ്യക്ഷന് മല്ലികാര്ജ്ജുന ഖാര്ഗേ. പുതിയ പാര്ലമെന്റ് മന്ദിരം ഉദ്ഘാടനം ചെയ്യുന്നത് പ്രധാനമന്ത്രിയാണെന്നത് ചൂണ്ടിക്കാട്ടിയാണ് ഖാര്ഗേയുടെ പ്രതികരണം.
ഇപ്പോള് രാഷ്ട്രപതിയെ നോക്കുകുത്തിയാക്കുന്ന സമീപനമാണ് ബിജെപി എടുത്തിരിക്കുന്നതെന്നും പറഞ്ഞു. പാര്ലമെന്റ് മന്ദിരത്തിന്റെ തറക്കല്ലിടല് ചടങ്ങിന് അന്നത്തെ രാഷ്ട്രപതിയായിരുന്ന രാംനാഥ് കോവിന്ദിനെ ക്ഷണിച്ചിരുന്നില്ല എന്ന് ചൂണ്ടിക്കാട്ടിയ ഖാര്ഗേ ഉദ്ഘാടനത്തിനു നിലവിലെ രാഷ്ട്രപതിയെയും ക്ഷണിച്ചിട്ടില്ലെന്നും ആരോപിച്ചു. ദളിത് വിഭാഗത്തില്പെട്ടയാളെ രാഷ്ട്രപതിയായി ബിജെപി തെരഞ്ഞെടുക്കുന്നത് രാഷ്ട്രീയ നേട്ടത്തിന് മാത്രമാണെന്നും വേണ്ടത്ര ബഹുമാനമൊന്നും കൊടുക്കാറില്ലെന്നും വിമര്ശിച്ചു.
പുതിയ പാര്ലമെന്റ് മന്ദിരം യഥാര്ത്ഥത്തില് ഉദ്ഘാടനം ചെയ്യേണ്ടത് സഭകളുടെ നാഥന് കൂടിയായ രാഷ്ട്രപതിയാണ്. ദളിത് വിഭാഗത്തില് നിന്നുള്ള രാഷ്ട്രപതിയെ തെരഞ്ഞെടുപ്പിന് മാത്രമാണ് ബിജെപി ഉപയോഗിക്കുന്നതെന്ന് ഖാര്ഗേ ട്വിറ്ററില് കുറിച്ചു.
പാര്ലമെന്റ് മന്ദിരം പ്രധാനമന്ത്രി ഉദ്ഘാടനം ചെയ്യുന്നത് നേരത്തെ പ്രതിപക്ഷത്തെ പല നേതാക്കളും എതിര്ത്തിട്ടുണ്ട്. കഴിഞ്ഞ ദിവസം രാഹുല്ഗാന്ധിയൂം വിമര്ശനുവമായി രംഗത്ത് വന്നിരുന്നു. ഈ മാസം 28 നാണ് പുതിയ പാര്ലമെന്റ് മന്ദിരം ഉദ്ഘാടനം ചെയ്യുന്നത്.
