കാലം മാറും തോറും കുട്ടികള്ക്കെതിരെയുള്ള അതിക്രമങ്ങളും ലൈംഗിക പീഡനങ്ങളും വര്ധിച്ചുവരുകയാണ്. സ്വന്തം മാതാപിതാക്കള് തന്നെ കുഞ്ഞുങ്ങളെ മൃഗീയമായി കൊലപ്പെടുത്തുകയും ക്രൂരമായി ഉപദ്രവിക്കുകയും ചെയ്യുന്ന സംഭവങ്ങള് കഴിഞ്ഞ കുറച്ചു നാളുകളായി വാര്ത്തകളിലൂടെ നാടിനെ ഞെട്ടിച്ചിരികൊണ്ടിരിക്കുകയാണ്. ലോകത്തിന്റെ ഏത് കോണിലും ഇത്തരം സംഭവങ്ങള് നടക്കുന്നുണ്ട് എന്നതാണ് മറ്റൊരു വാസ്തവം. ഇപ്പോഴിതാ അമേരിക്കയില് നിന്ന് പുറത്തുവരുന്ന ഇത്തരം ഒരു സംഭവമാണ് ഏറെ ശ്രദ്ധ നേടുന്നത്. മാതാപിതാക്കളുടെ ക്രൂര പീഡനത്തിനിരയായ കുട്ടി ഒടുവില് ഒരു റെസ്റ്ററന്റ് ജീവനക്കാരിയുടെ സഹായത്തോടെ രക്ഷപ്പെട്ടിരിക്കുകയാണ്.
അമേരിക്കയിലെ ഫ്ളോറിഡയിലാണ് സംഭവം. ഒരു റെസ്റ്റോറന്റില് മാതാപിതാക്കള്ക്കൊപ്പമെത്തിയ കുട്ടിയുടെ പെരുമാറ്റത്തില് സംശയം തോന്നിയ റെസ്റ്റോറന്റ് ജീവനക്കാരി, രഹസ്യമായി കുട്ടിയില് നിന്ന് ഞെട്ടിക്കുന്ന വിവരങ്ങള് മനസിലാക്കിയെടുത്തിരിക്കുകയാണ്. മറ്റൊന്നുമല്ല, കുട്ടി മാതാപിതാക്കളാല് തന്നെ വീട്ടില് വച്ച് വലിയ രീതിയില് പീഡനം നേരിട്ടിരുന്നു എന്ന വിവരമാണ് ഇവര് മനസിലാക്കിയെടുത്തത്. യഥാര്ത്ഥത്തില് കുട്ടിയോടൊപ്പമുണ്ടായിരുന്നത് രണ്ടാനച്ഛനായിരുന്നു. അമ്മ കുട്ടിയുടേത് തന്നെ. എന്നാല് ഇരുവരും കുട്ടിയെ വളരെ ക്രൂരമായി പീഡിപ്പിച്ചിരുന്നു
വെറും പതിനൊന്നു വയസ്സു പ്രായം മാത്രമുള്ള കുട്ടിയുടെ മുഖത്തെ ഭാവവ്യത്യാസങ്ങള് കണ്ടാണ് റസ്റ്ററന്റ് ജീവനക്കാരിക്ക് സംശയം തോന്നിയത്. മുഖത്ത്, പുരികങ്ങള്ക്ക് ഇടയിലായി ഒരു മുറിപ്പാട് ശ്രദ്ധയില് പെട്ടു. കുട്ടിയാണെങ്കില് ഭക്ഷണം കഴിക്കുന്നുണ്ടായിരുന്നില്ല. മറ്റുള്ളവര് കഴിക്കുന്നുമുണ്ട്. ഇതെല്ലാം കൂടി ആയപ്പോള് റെസ്റ്റോറന്റ് ജീവനക്കാരിയായ ഫ്ളേവൈനിന് സംശയം ശക്തിപ്പെട്ടു. എങ്ങനെയും കുട്ടിയോട് സംസാരിക്കാന് അവര് തീരുമാനിച്ചു. എന്നാല് മാതാപിതാക്കള് കൂടെയുള്ളതിനാല് ഇവര്ക്ക് കുട്ടിയോട് തുറന്ന് സംസാരിക്കാന് സാധിക്കുമായിരുന്നില്ല. ഒടുവില് ഇവര് കുട്ടിക്ക് ചെറിയൊരു കടലാസില് ഒരു ചോദ്യമെഴുതി മറ്റാരും കാണാതെ നല്കി. മോന് എന്തെങ്കിലും സഹായം വേണോ എന്നായിരുന്നു ഇവര് ചോദിച്ചത്. മറുപടി ആംഗ്യത്തില് കാണിച്ചാല് അത് മനസിലാക്കാന് പാകത്തില് ഫ്ളേവൈന് കുട്ടിയുടെ മാതാപിതാക്കള്ക്ക് പിന്നില് പോയി നിന്നു.
തനിക്ക് സഹായം ആവശ്യമാണെന്ന് കുട്ടിയുടെ ആംഗ്യത്തില് നിന്ന് മനസ്സിലാക്കിയ ഫ്ളേവൈന് ആദ്യം റെസ്റ്റോറന്റ് ഉടമയെയും പിന്നീട് ഇവര് ചേര്ന്ന് പൊലീസിനെയും വിവരമറിയിക്കുകയായിരുന്നു. തുടര്ന്ന് ഇവരോട് കുട്ടി കാര്യങ്ങള് തുറന്നുപറയുകയായിരുന്നു. രണ്ടാനച്ഛനും അമ്മയും ചേര്ന്ന് കെട്ടിയിട്ട് അടിക്കുകയും, തല കീഴായി കെട്ടിത്തൂക്കിയിടുകയുമെല്ലാം ചെയ്യുന്നത് പതിവായിരുന്നുവത്രേ. സംഭവം വിവാദമായതോടെ കുട്ടിയുടെ മാതാപിതാക്കളെ പൊലീസ് അറസ്റ്റ് ചെയ്തു. കുട്ടിയെയും നാല് വയസുള്ള മറ്റൊരു കുട്ടിയെയും ഷെല്ട്ടര് ഹോമിലേക്ക് മാറ്റിയിരിക്കുകയാണ്. തക്കസമയത്തുള്ള റസ്റ്ററന്റ് ജീവനക്കാരിയുടെ പ്രവൃത്തിയാണ് കുട്ടിയെ വലിയ ഒരു കൊണിയില് നിന്ന് രക്ഷപ്പെടുത്തിയത്. സംഭവം അറിഞ്ഞതോടെ നിരവധി ആളുകളാണ് റസ്റ്ററന്റ് ജീവനക്കാരിയെ
