കോട്ടയം: ഉദ്ഘാടനം ചെയ്തു രണ്ടു മാസം പിന്നിട്ടതിനു പിന്നാലെ ചോര്ന്നൊലിനച്ച വിജയപുരം പഞ്ചായത്തിലെ െലെഫ് മിഷന് ഫ്ളാറ്റ് സമുച്ചയം. മൂന്നാഴ്ച മുമ്പ് പരാതി ഉയരുകയും പരിഹരിച്ചുവെന്ന് അധികൃതര് അവകാശപ്പെടുകയും ചെയ്ത ഫ്ളാറ്റ് സമുച്ചയം കഴിഞ്ഞ ദിവസം പെയ്ത മഴയില് ചോര്ന്നൊലിച്ചു. ഏഴരക്കോടി രൂപ ചെലവില് നിര്മിച്ച ഫ്ളാറ്റ് താമസക്കാര് പൂര്ണമാകും മുമ്പേ നനഞ്ഞു നശിച്ചു തുടങ്ങിയിരിക്കുന്നത്.
55.8 സെന്റില് നിര്മിച്ച ഭവനസമുച്ചയത്തില് നാലു നിലകളിലായി ആകെ 44 ഫ്ളാറ്റുകളാണുള്ളത്. ഇതില് 26 എണ്ണത്തില് താമസക്കാരെത്തി. രണ്ടെണ്ണം അംഗന്വാടിക്കും പഞ്ചായത്ത് ആരോഗ്യകേന്ദ്രത്തിനുമായി മാറ്റിവച്ചിരിക്കുകയാണ്. 512 ചതുരശ്ര അടിയാണ് വീടുകളുടെ വിസ്തീര്ണം. ഒരു ഹാള്, രണ്ട് കിടപ്പുമുറികള്, അടുക്കള, ശുചിമുറി, ബാല്ക്കണി എന്നിവയാണ് ഓരോ വീടുകളിലുമുള്ളത്.
കെട്ടിടത്തിന്റെ നാലാം നിലയില് മഴവെള്ളം കെട്ടിനിന്നു താഴേക്കിറങ്ങുന്നതാണു താമസക്കാരെ ബുദ്ധിമുട്ടിക്കുന്നത്. മഴയുള്ളപ്പോള് ഇടനാഴിയില് വെള്ളം കെട്ടിനില്ക്കുന്നതിനാല് വീട്ടുകാര്ക്കു പുറത്തിറങ്ങാനാവാത്ത അവസ്ഥയാണ്. ചുമര് കുതിര്ന്നു പൊടിയുന്നതായും നാലാംനിലയിലെ വയറിങ്ങും െലെറ്റുകളും വെള്ളം വീണു നശിക്കുന്നതായും ഇവര് പറയുന്നു.
രണ്ടാംനിലയില് സീലിങ് അടര്ന്നുവീണു. െപെപ്പുകളിലെ വെള്ളം പുറത്തുപോവുന്നില്ലെന്നും പരാതിയുണ്ട്. നേരത്തെ കെട്ടിടത്തില് ചോര്ച്ച കണ്ടെത്തിയതിനെത്തുടര്ന്നു കലക്ടര് സ്ഥലത്തെത്തുകയും അറ്റകുറ്റപ്പണികള്ക്കു നിര്ദേശം നല്കുകയും ചെയ്തു.അറ്റകുറ്റപ്പണികള്ക്കു ശേഷവും ചോര്ച്ചയുണ്ടാകുന്നതായി ഇവിടെയുള്ളവര് പറയുന്നു.
വെള്ളം, മണല്, പാറ, ഇഷ്ടിക എന്നിവയുടെ കുറഞ്ഞ ഉപയോഗമുള്ള പ്രീ ഫാബ്രിക്കേഷന് സാങ്കേതികവിദ്യ ഉപയോഗിച്ചാണു നിര്മാണം. അഹമ്മദാബാദ് കേന്ദ്രമായ മിറ്റ്സുമി ഹൗസിങ് പ്രൈവറ്റ് ലിമിറ്റഡ് ആണു നിര്മാണ ഏജന്സി. അഞ്ചുവര്ഷം അറ്റകുറ്റപ്പണിയുടെ ചുമതലയും ഇവര്ക്കാണ്. വിവരമറിഞ്ഞ് തിരുവഞ്ചൂര് രാധാകൃഷ്ണന് എം.എല്.എ ഇന്നലെ സ്ഥലം സന്ദര്ശിച്ചു.
പുതിയ സാങ്കേതിക വിദ്യ ഉപയോഗിച്ചാണു ഭവനസമുച്ചയം നിര്മിച്ചതെന്നും ചെറിയ പരാതികള് പ്രതീക്ഷിച്ചിരുന്നതായും െലെഫ് മിഷന് അധികൃതര് അറിയിച്ചു. പരാതികള് ഉടന് പരിഹരിക്കാന് സംവിധാനമുണ്ടെന്നും അധികൃതര് പറഞ്ഞു.
