മനുഷ്യനു പ്രായമാകും തോറും പല കാര്യങ്ങളും മറന്നു പോകാറുണ്ട്. കഴിഞ്ഞ ദിവസം സംഗീത സംവിധായകനായ കൈലാസ് മേനോന് ഇന്സ്റ്റഗ്രാമില് പങ്കുവെച്ച വിഡിയോയാണ് ഇപ്പോള് വൈറലായത്. ഒരു അമ്മുമ്മയാണ് വീഡിയോയില് ഉള്ളത്. അമ്മൂമ്മയുടെ മൊബൈല് ഫോണിനു പുറകില് വലിയൊരു പേപ്പര് ഒട്ടിച്ചു വച്ചിരിക്കുന്നത് വിഡിയോയില് കാണാന് സാധിയ്ക്കും. ആ പേപ്പര് തുറന്നു നോക്കുമ്പോള് അതില് എഴുതിയത് കാണാന് പറ്റും. ഫോണ് വന്നാല് പച്ച മുകളിലേക്ക് നീക്കണം ' എന്നാണ് എഴുതിയിരിക്കുന്നത്.
പിന്നെ നമുക്ക് കേള്ക്കാന് സാധിയ്ക്കുന്നത്. വലിയൊരു പൊട്ടിച്ചിരിയാണ്. പക്ഷേ ഇങ്ങനെയൊക്കെ എഴുതിയാലും അമ്മൂമ്മ ചുവപ്പേ നീക്കൂ എന്നാണ് പറയുന്നത്.' പത്ത് പ്രാവശ്യം ഞാന് വിളിച്ചു, പത്ത് തവണയും കട്ട് ചെയ്തു എന്നും വിഡിയോയില് പറയുന്നുണ്ട്. ഇതൊക്കെ കേട്ടിട്ട് ' ഞാന് എന്ത് ചെയ്യാന്, മറന്നു പോകുന്നു ' എന്ന് പൊട്ടിച്ചിരിച്ചുകൊണ്ട് അമ്മൂമ്മ മറുപടി പറയുന്നുണ്ട്.
