പശ്ചിമ ബംഗാള് മുന് മുഖ്യമന്ത്രി ബുദ്ധദേവ് ഭട്ടാചാര്യയുടെ മകള് സുചേതന ഭട്ടാചാര്യ ലിംഗമാറ്റ ശസ്ത്രക്രിയ ചെയ്യാനുള്ള തയാറെടുപ്പില്. അടുത്തിടെയാണ് 41കാരിയായ സുചേതന, താന് പുരുഷനാണെന്ന് വെളിപ്പെടുത്തി രംഗത്തെത്തിയത്. പുരുഷ ലിംഗത്തിലേക്ക് മാറുമെന്നും സുചേതന എന്ന തന്റെ പേര് സുചേതന് എന്നാക്കുമെന്നും സുചേതന പറഞ്ഞു. താന് പുരുഷനാണെന്നും ശാരീരികമായി അങ്ങനെയാവാനാണ് ആഗ്രഹമെന്നും എല്ജിബിടിക്യു വര്ക്ക്ഷോപ്പില് പങ്കെടുക്കവെ സുചേതന പറഞ്ഞിരുന്നു.
'ഞാന് പ്രായപൂര്ത്തിയായ ഒരാളാണ്. എനിക്കിപ്പോള് 41 വയസായി. എന്റെ ജീവിതവുമായി ബന്ധപ്പെട്ട എല്ലാ തീരുമാനങ്ങളും എനിക്കിപ്പോ സ്വയം എടുക്കാം. അതുപോലെയാണ് ഞാന് ഇക്കാര്യത്തിലും തീരുമാനമെടുക്കുക. മാനസികമായി സ്വയം പുരുഷനെന്ന് കരുതപ്പെടുന്നവര് പുരുഷന്മാര് തന്നെയാണ്. ഞാന് അങ്ങനെ തന്നെയാണ്. ഇപ്പോള് ശാരീരികമായും എനിക്ക് അങ്ങനെയാവണം. ഞാന് തീരുമാനമെടുത്തു. പോരാടും. എനിക്ക് ആ ധൈര്യമുണ്ട്.''- എന്ന് സുചേതന പറഞ്ഞു.
