കൊച്ചിയിത്തിലെത്തിയ പിഡിപി ചെയര്‍മാന്‍ അബ്ദുള്‍ നാസര്‍ മഅദനി ആശുപത്രി വിട്ടു. പിതാവിനെ സന്ദര്‍ശിക്കാനായി കോടതിയില്‍ നിന്ന് പ്രത്യേക അനുമതി വാങ്ങിയ അദ്ദേഹം പിതാവിനെ കാണാതെയാണ് മടങ്ങുന്നത്. കൊച്ചിയില്‍ ജൂണ്‍ മാസം 26ന് എത്തിയ മഅദനിയെ ആരോഗ്യസ്ഥിതി മോശമായതിനെ തുടര്‍ന്ന് ആശുപത്രിയില്‍ പ്രവേശിപ്പിക്കുകയായിരുന്നു. പിതാവിന്റെ ആരോഗ്യസ്ഥിതി മോശമായതിനാല്‍ അദ്ദേഹത്തെ കൊച്ചിയിലേക്ക് എത്തിക്കാനുമായില്ല. രാത്രി 9.30ന് കൊച്ചിയില്‍ നിന്നുളള വിമാനത്തില്‍ അബ്ദുള്‍ നാസര്‍ മഅദനി ബെംഗളൂരുവിലേക്ക് തിരിക്കും.
സംസ്ഥാന മന്ത്രിയും ഇന്ത്യന്‍ നാഷണല്‍ ലീഗ് നേതാവുമായ അഹമദ് ദേവര്‍ കോവില്‍ ഇന്ന് രാവിലെ കൊച്ചിയിലെ ആശുപത്രിയിലെത്തി മഅദനിയെ സന്ദര്‍ശിച്ചിരുന്നു. മന്ത്രി മദനിയുടെ ആരോഗ്യ നില മോശമാണെന്ന് മാധ്യമപ്രവര്‍ത്തകരോട് പറഞ്ഞു. സര്‍ക്കാര്‍ നിയോഗിച്ച മെഡിക്കല്‍ ബോര്‍ഡിന്റെ റിപ്പോര്‍ട്ട് അനുസരിച്ച് ആരോഗ്യ സ്ഥിതിയില്‍ സര്‍ക്കാര്‍ ഇടപെടലുകള്‍ നടത്തുമെന്നും കൊലപാതകിക്ക് ലഭിക്കുന്ന നീതി പോലും മഅദനിക്ക് കിട്ടുന്നില്ലെന്നും മന്ത്രി അറിയിച്ചു.
Comments