ഗദ്ദാര് 2 വുമായി ബന്ധപ്പെട്ട് നെറ്റില് പ്രചരിക്കുന്ന ചൂടന് രംഗങ്ങളുടെ വീഡിയോയ്ക്ക് മറുപടിയുമായി ബോളിവുഡിലേക്ക് വമ്പന് തിരിച്ചുവരവിനൊരുങ്ങുന്ന നടി അമീഷാ പട്ടേല്. സിനിമയില് അമീഷാ പട്ടേലിന്റെ സഹനടി സിമ്രത് കൗറും പുതുമുഖ നടന് ഉത്കര്ഷ് ശര്മ്മയും തമ്മിലുള്ള ഇന്റിമേറ്റ് സീന് വൈറലായി മാറിയിരുന്നു. സിമ്രതിനെ ട്രോളില് മുക്കി ആരാധകര് എയറില് നിര്ത്തുകയും ചെയ്തിരുന്നു.
ഇതിന് പിന്നാലെ സിമ്രത് കൗറിന് പിന്തുണയുമായി അമീഷാപട്ടേല് എത്തിയത്. നെറ്റില് പ്രചരിക്കുന്നത് ഗദ്ദാര് - 2 ലെ രംഗമല്ലെന്നും സിമ്രത് മുമ്പ് ചെയ്ത 2020 ലെ ഡര്ട്ടിഹരി എന്ന സിനിമയിലേതാണെന്നും ഒരു വിഭാഗം ആള്ക്കാര് ഇത് ഗദ്ദാര് 2 ലേത് ആണെന്ന് പറഞ്ഞ് പ്രചരിപ്പിക്കുന്നത് വ്യാജമാണെന്നും പറയുന്നു. പഴയ സിനിമയുടെ പേരില് ട്രോള് കൂടിയതോടെ സിമ്രതിന് പിന്തുണയുമായി ട്വിറ്ററില് പോസ്റ്റുമിട്ടു.
''ഗദര് 2ല് ഉത്കര്ഷ് ശര്മ്മയ്ക്ക് ജോഡിയാക്കിയ സിമ്രത് കൗറിനെ ചുറ്റിപ്പറ്റിയുള്ള നെഗറ്റീവ് പ്രതികരണത്തെ പ്രതിരോധിക്കാന് 2 ദിവസത്തെ സായാഹ്നം മുഴുവനാണ് ചെലവഴിക്കേണ്ടി വന്നത്. ഒരു പെണ്കുട്ടി എന്ന നിലയില് ഒരു പെണ്കുട്ടിയെ നാണം കെടുത്താതെ പുതിയ പ്രതിഭകളെ പ്രോത്സാഹിപ്പിക്കാനും പോസിറ്റിവായ കാര്യങ്ങള് പ്രചരിപ്പിക്കാനും ഞാന് അഭ്യര്ത്ഥിക്കുകയാണ്.'' താരം ട്വീറ്റ് ചെയ്തു.
സണ്ണിഡിയോളും അമീഷാപട്ടേലും ഉത്കര്ഷ് ശര്മ്മയും പ്രധാനവേഷത്തില് എത്തുന്ന ഗദ്ദാര് 2 ആഗസ്റ്റ് 11 നാണ് റിലീസ് ചെയ്യുന്നത്. അനില് ശര്മ്മയാണ് സംവിധാനം ചെയ്യുന്നത്. സിനിമ പുറത്തുവരുന്നതിന് മുമ്പായി ജൂണ് 9 ന് ഗദ്ദാര് : ഏക് പ്രേം കഥ എന്ന സിനിമയുടെ ആദ്യഭാഗം റീ റിലീസിംഗും നടത്തിയിരുന്നു. ഇതിന് പിന്നാലെയാണ് ഔദ്യോഗിക ടീസര് പുറത്തുവിട്ടത്.
