കൊച്ചി: കോവിഡ് വാക്സിന് എടുത്തവര്ക്കിടയില് ഹൃദയാഘാതം വ്യാപകമാണെന്ന വ്യാജപ്രചാരണം സമൂഹമാധ്യമങ്ങളില് വീണ്ടും വൈറല്. ഇതോടെ ജനം ആശങ്കയിലായി. ''കോവിഡ് വാക്സിന് എടുത്തവരില് ഹൃദയാഘാതം കൂടുന്നുവെന്നും ഡി ഡൈമര് ടെസ്റ്റ് നടത്തി വൈദ്യസഹായം ചെയ്യുക'' എന്നുമാണ് സമൂഹമാധ്യമങ്ങളിലെ പോസ്റ്റുകളില് കാണുന്നത്. ഇതിനെതിരേ ആരോഗ്യ വിദഗ്ധര് രംഗത്തുവന്നു.
മുമ്പും ഇത്തരം പ്രചരണം ഉണ്ടായിരുന്നുവെന്നും അത് തെറ്റായിരുന്നുവെന്നും കോവിഡ് രോഗ വിദഗ്ധനും ഐ.എം.എ. കേരള ഘടകം ഉപദേശക സമിതിയംഗവുമായ ഡോ. രാജീവ് ജയദേവന് വ്യക്തമാക്കി. കോവിഡ് വാക്സിനുകളും ഡി ഡൈമര് ലെവലുമായി യാതൊരു ബന്ധവുമില്ലെന്നും അദ്ദേഹം പറഞ്ഞു. എന്നാല്, കോവിഡ് അഡിനോെവെറസ് വെക്ടര് വാക്സിന് എടുത്തവരില് അപൂര്വമായി രക്തം കട്ടപിടിക്കുന്നത് കണ്ടിട്ടുണ്ട്. എന്നാല്, അത് ഹൃദയരക്തക്കുഴലുകളില് അല്ലെന്നും കാലിലെയും തലച്ചോറിലെയും രക്തക്കുഴലിലാണെന്നും അദ്ദേഹം പറഞ്ഞു. അതാകട്ടെ ലക്ഷത്തില് ഒന്നോ രണ്ടോ പേര്ക്കു മാത്രവും. ഇതിനു മതിയായ ചികിത്സയും ലഭ്യമാണെന്നും അദ്ദേഹം പറഞ്ഞു.
ഡി-െഡെമര് ടെസ്റ്റ് ചെലവേറിയതാണ്. വിദഗ്ധ നിര്ദേശമില്ലാതെ നേരിട്ട് പോയി ലാബുകളില് ടെസ്റ്റ് നടത്തേണ്ടതില്ലെന്നും വിദഗ്ധര് പറയുന്നു. കോവിഡ് വരാത്തവരും എന്നാല്, വാക്സിന് എടുത്തവരുമായവരില് ഹൃദയാഘാതം കൂടുന്നുണ്ടോ എന്ന് ഇതുവരെയും തെളിയിക്കപ്പെട്ടിട്ടുമില്ല. എം-ആര്.എന്.എ. വാക്സിന് ഉപയോഗിച്ച അമേരിക്കയിലെ ചില ചെറുപ്പക്കാര്ക്ക് ഹൃദയത്തില് നേരിയ നീര്ക്കെട്ടുണ്ടായതായെന്നു കണ്ടെത്തിയിട്ടുണ്ട്. ഇത് മരണകാരണമല്ല. താനേ മാറുന്നതാണെന്നും ഡോ. രാജീവ് പറഞ്ഞു.
അതേസമയം, കോവിഡ് വന്നവര്ക്ക് രോഗാനന്തരം ചില വിഷമതകള് ശ്രദ്ധയില്പ്പെട്ടിട്ടുണ്ട്. അതുമൂലം ഹൃദയാഘാതം, തലച്ചോറിലെ രക്തം കട്ടപിടിക്കല് തുടങ്ങിയ അസുഖങ്ങള് വരുന്നത് കൂടുതലാണ്. കോവിഡ് മാറി ഏറെ നാളുകള് കഴിഞ്ഞും കോവിഡിനെത്തുടര്ന്നുള്ള ബുദ്ധിമുട്ടുകള് ചിലരില് മാത്രം നിലനിന്നേക്കാം. ഹൃദയാഘാതം ഉണ്ടാകുന്നതിനു മുഖ്യമായ കാരണങ്ങള് പുകവലി, അമിത മദ്യപാനം, വ്യായാമക്കുറവ്, പാരമ്പര്യം, തെറ്റായ ജീവിതെശെലി, ഉറക്കമില്ലായ്മ, പ്രമേഹം, കുടവയര് എന്നിവയാണെന്ന് ഡോ. മുഹമ്മദ് യാസിര് പറഞ്ഞു.
