അടൂര്: പെരുമ്പാമ്പിനെക്കൊണ്ട് പൊറുതിമുട്ടി വെള്ളക്കുളങ്ങരയിലെ നാട്ടുകാര്. വെള്ളക്കുളളങ്ങര- ചൂരക്കോട്-മണ്ണടി റോഡരുകില് വള്ളുവിളപ്പടി ഭാഗത്ത് രാത്രിയില് പെരുമ്പാമ്പിനെ കണ്ടു. വിവരം അറിയിച്ചതിനെ തുടര്ന്ന് പാമ്പ് പിടിക്കാന് വനം വകുപ്പിന്റെ െലെസന്സുള്ള ചാര്ലി മണക്കാല എത്തി ചാക്കിലാക്കി കൊണ്ടുപോയി. രണ്ട് ദിവസം മുന്പ് ഇതിന് സമീപത്ത് വളവില് റോഡിന് കുറുകെ വലിയ പെരുമ്പാമ്പ് കിടക്കുന്നത് െബെക്ക് യാത്രക്കാര് കണ്ടിരുന്നു.
അല്പനേരം കഴിഞ്ഞ് ഇത് ഇഴഞ്ഞ് സമീപത്തെ കാട് കയറി കിടക്കുന്ന പുരയിടത്തിലേക്ക് പോയി. രാത്രിയില് റോഡില് കിടക്കുന്ന പെരുമ്പാമ്പ് െബെക്ക് യാത്രക്കാര്ക്ക് ഭീഷണിയാണ്. അഞ്ച് ദിവസം മുന്പ് വെള്ളക്കുളങ്ങരയില് വള്ളുവിളപ്പടി മുട്ടത്ത് പടി റോഡില് രാത്രിയില് പെരുമ്പാമ്പിനെ കണ്ടു. വഴിയാത്രക്കാരാണ് ഇതിനെ ആദ്യം കണ്ടത്. തുടര്ന്ന് ചാര്ലി മണക്കാല എത്തി ചാക്കിലാക്കി കൊണ്ടുപോയി.
ഒരാഴ്ച മുന്പ് വെള്ളക്കുളങ്ങര -വടക്കടത്തുകാവ്-ഞെക്കാട്ട് ഏലാ റോഡിന് സമീപമുള്ള ഒരു വീട്ടിലെ ഷെഡില് കോഴിയെ ചുറ്റി കിടക്കുന്ന പെരുമ്പാമ്പിനെ കണ്ടിരുന്നു. ഈ വീട്ടില് ഇത് രണ്ടാം തവണയാണ് പെരുമ്പാമ്പ് കയറുന്നത്. പകല് സമയത്ത് കാടുള്ള പുരയിടങ്ങളില് കിടക്കുന്ന പെരുമ്പാമ്പ് രാത്രിയില് ഇരതേടി പുറത്തിറങ്ങുകയാണ് ചെയ്യുന്നത്.
വെള്ളക്കുളങ്ങര ഭാഗത്ത് കാടുകയറി കിടക്കുന്ന പുരയിടങ്ങള് ഉണ്ട്. ഇവിടെയാണ് ഇവയുടെ വാസം. അതിനാല് പുരയിടങ്ങളിലെ കാടുകള് നീക്കം ചെയ്യാന് നടപടി ഉണ്ടാകണം. വെള്ളക്കുളങ്ങര-മണ്ണടി റോഡില് വെള്ളക്കുളങ്ങര മുതല് ചൂരക്കോട് വരെ റോഡിന്റെ ഇരുവശവും കാടുകയറി കിടക്കുകയാണ്.
കനാല് പാലം, വള്ളുവിളപ്പടി എന്നി ഭാഗങ്ങളില് ടാറിങ് ഭാഗത്ത് കൂടി കാട് വളര്ന്ന് കയറിയിട്ടുണ്ട്. വള്ളിപ്പടര്പ്പും റോഡിലേക്ക് പടര്ന്നു കയറി കിടപ്പുണ്ട്. ഈ കാടുകളിലൊക്കെ പെരുമ്പാമ്പുള്െപ്പടെയുള്ള ഇഴ ജന്തുക്കള് പെറ്റു പെരുകാനുള്ള സാധ്യത ഏറെയുണ്ട്. റോഡരുകിലെ കാട് വെട്ടി തെളിക്കണമെന്ന് നിരവധി തവണ ആവശ്യപ്പെട്ടിട്ടും പൊതുമരാമത്ത് അധികൃതരോ പഞ്ചായത്ത് അധികൃതരോ തിരിഞ്ഞ് നോക്കിയിട്ടില്ല.
കാടുകളില് പാമ്പ് പെറ്റുപെരുകുകയാണ്. പാമ്പ് ശല്യം കാരണം രാത്രിയില് ആള്ക്കാര് കാല്നടയാത്ര പോലും ഒഴിവാക്കിയിരിക്കുകയാണ്. വെള്ളക്കുളങ്ങരയില് കൂടിയാണ് കെ.ഐ.പി കനാല് കടന്ന് പോകുന്നത്.
തെന്മലയില് നിന്നും കനാല് വഴി ഒഴുകി എത്തുന്ന പെരുമ്പാമ്പ് കൃഷിക്കായി വെള്ളം എത്തിക്കാന് സ്ഥാപിച്ച െപെപ്പ് വഴിയാണ് ഞെക്കാട്ട് ഏലായില് എത്തുന്നത്. അവിടെ നിന്നും ഇവ കാടുകയറി കിടക്കുന്ന പുരയിടങ്ങളിലേക്ക് കയറും.
