ലണ്ടന്: ലോകത്തില് ട്രാഫിക്ക് ബ്ലോക്കുകള് ഇല്ലാത്ത രാജ്യങ്ങള് വിരളമാണ്. എന്നാല് ഒാരോ രാജ്യത്തിന് അവരുടേതായ ട്രാഫിക്ക് നിമയങ്ങളും ചട്ടങ്ങളുമുണ്ട്. ആ രാജ്യത്തെ പൗരന്മാര് മാത്രമല്ല, മറ്റ് രാജ്യങ്ങളില് നിന്ന് അവിടെ കുടിയേറി പാര്ക്കുന്നവര്ക്കും സന്ദര്ശകര്ക്കുമെല്ലാം ഈ നിയമം ബാധകമാണ്. ചട്ട ലംഘനം നടത്തിയ കടുത്ത ശിക്ഷയും ഏറ്റുവാങ്ങേണ്ടി വരും. ട്രാഫിക്കു ബ്ലോക്കുകളില് പലപ്പോഴും മണിക്കൂറുകളോളം അങ്ങനെ നില്ക്കേണ്ടി വരും. എന്നാല് മുന്നിലുള്ള വാഹനങ്ങള് ഓടിത്തുടങ്ങുന്നതുവരെ കാത്തിരിക്കേണ്ടതുണ്ട്. എന്നാല് പലര്ക്കും ഇത് പ്രയാസമുള്ള കാര്യമാണ്. ഇത്തരത്തില് യുകെയിലെ എ റോഡില് ഉണ്ടായ ട്രാഫിക് ബ്ലോക്കിനിടയില് ഉണ്ടായ ഒരു സംഭവമാണ് സമൂഹ മാധ്യമങ്ങളില് ഇപ്പോള് ശ്രദ്ധ നേടുന്നത്.
കുറച്ച് ഇന്ത്യന് ചെറുപ്പക്കാര് കാരണമാണ് ഇവിടുത്തെ ചിത്രം വൈറലായിരിക്കുന്നത്. സംഗതി മറ്റൊന്നുമായിരുന്നില്ല ട്രാഫിക്ക് ബ്ലോക്കിനിടെ യുവാക്കളും യുവതികളും ചേര്ന്ന് ഇന്സ്റ്റഗ്രാമില് റീല്സ് ചെയ്യാന് വേണ്ടി റോഡില് നിന്ന് ഡാന്സ് കളിച്ചു. ഇതിന് ശേഷം വീഡിയോ സോഷ്യല് മീഡിയ അക്കൗണ്ടില് പോസ്റ്റ് ചെയ്യുകയും ചെയ്തു. ഡാന്സ് വൈറലായെങ്കിലും സംഭവം കൈവിട്ട് പോയി. ഇപ്പോള് വീഡിയോയ്ക്ക് രൂക്ഷമായ വിമനര്ശനമാണ് വന്നുകാെണ്ടിരിക്കുന്നത്. അനന്തു സുരേഷ് എന്ന ആളുടെ ഇന്സ്റ്റഗ്രാമിലാണ് ഈ വീഡിയോ പങ്കുവെച്ചിരിക്കുന്നത്. യുകെയില് ഇങ്ങനെയൊന്നും ചെയ്യാന് പാടില്ലെന്നും. വീഡിയോ ഡിലീറ്റ് ചെയ്യണമെന്നുമാണ് ഭൂരിഭാഗം ആളുകളും പറയുന്നത്.
രണ്ട് വര്ഷം പഠനം പൂര്ത്തിയാക്കിയ ശേഷം യൂണിവേഴ്സിറ്റിയുടെ ബിരുദ ദാന ചടങ്ങളില് പങ്കെടുക്കാന് ചെല്ലുമ്പോഴാണ് ഇവര് ട്രാഫിക് ബ്ലോക്കില് പെട്ടത്. ഒരു മണിക്കൂറും 20 മിനിറ്റും വഴിയില് പെട്ടപ്പോഴാണ് ഡാന്സ് ചെയ്തത് നോര്വിച്ചിന് സമീപമുള്ള എ 11 റോഡിലാണ് ഗതാഗത കുരുക്കുണ്ടായത്. ഈ വീഡിയോയ്ക്ക് താഴെ മലയാളികള് തന്നെയാണ് അധികവും കമന്റ് ചെയ്തിരിക്കുന്നത്. രണ്ട് കാറുകളിലായാണ് ഈ ചെറുപ്പക്കാര് എത്തിയത്. ഇറങ്ങി നൃത്തം ചെയ്ത് തുടങ്ങി നിമിഷങ്ങള്ക്കകം തന്നെ ട്രാഫിക് ബ്ലോക്ക് അവസാനിച്ചു. ഇതോടെ ഇവര് ഡാന്സ് നിര്ത്തി മടങ്ങുകയയിരുന്നു.
എന്നാല് യുകെയിലെ റോഡികളില് ഇങ്ങനെ ചെയ്യുന്നത് ഹൈവേ കോഡിന് എതിരാണെന്നും വാഹന നമ്പര് വീഡിയോയില് വ്യക്തമായത് കൊണ്ട് ഡിവിഎല്എയില് പരാതി എത്തിയാല് നടപടി ഉണ്ടാവാന് സാധ്യത ഉണ്ടെന്നാണ് പറയുന്നത്. വീഡിയോ പിന്ലിക്കണമെന്നാണ് ആളുകള് ആവശ്യപ്പെടുന്നത്. ഒരു വിദേശ രാജ്യത്ത് പോയി ഇത്തരത്തിലാണോ പെരുമാറേണ്ടതെന്നും ചിലര് ചോദക്കുന്നു. വീഡിയോ ഡിലീറ്റ് ചെയ്തില്ലെങ്കില് ഡൗണ്ലോഡ് ചെയ്ത് പരാതി നല്കുമെന്നും ചിലര് നിര്ദ്ദേശിച്ചു.
