ഡെറാഡൂണ്: മഴയും മണ്ണിടിച്ചിലും പ്രതിസന്ധി സൃഷ്ടിച്ച് റോഡും പാതകളും ഇല്ലാതായതോടെ ഗര്ഭിണിയെ ആള്ക്കാര് ആശുപത്രിയില് എത്തിച്ചത് കസേരയില് ചുമന്ന്. ഉത്തരാഖണ്ഡിലെ ചാമോലിയിലെ ബാന് ഗ്രാമത്തിലെ ദവാല് ഏരിയയില് ഉള്ളവര്ക്കായിരുന്നു ഈ പ്രതിസന്ധി നേരിട്ടത്.
ഗര്ഭിണിയായ 29 കാരി കിരണ് ദേവിയെ ആള്ക്കാര് പ്ലാസ്റ്റിക് കസേരയില് ഇരുത്തി മലയിറങ്ങി സാമൂഹികാരോഗ്യ കേന്ദ്രത്തില് എത്തിച്ചു. മണ്ണിടിച്ചിലിനെ തുടര്ന്ന് ഇവിടുത്തെ റോഡുകള് താറുമാറായി. പ്രസവ വേദന ആരംഭിച്ചതോടെ കിരണ് ദേവിയെ തോളത്തെടുത്ത് അവശിഷ്ടങ്ങള്ക്ക് ഇടയിലൂടെ പ്രാഥമികാരോഗ്യ കേന്ദ്രത്തിലേക്ക് കൊണ്ടുപോയി. വ്യാഴാഴ്ച രാത്രി അവര് ഒരു ആണ്കുട്ടിക്ക് ജന്മം കൊടുക്കുകയൂം ചെയ്തു.
ഇവരുടെ യാത്രയുടെ വീഡിയോ കാഴ്ചക്കാരെ െഞട്ടിക്കും. ഗ്രാമത്തില് നിന്നും 30 കിലോമീറ്റര് അകലെയായിരുന്നു ദവാല് പ്രാഥമികാരോഗ്യ കേന്ദ്രം. കഴിഞ്ഞ രണ്ടു ദിവസമായി പെയ്ത കനത്തമഴ കാരണം റോഡു പോലും ഇല്ലാതായി.
മൂന്ന് കിലോമീറ്റര് യാത്ര അതി കഠിനമാണ്. കിരണിനേയും എടുത്തുകൊണ്ട് താഴെ നദിയൊഴുകുന്ന മലയിടുക്കിലൂടെ മരവും പൈപ്പൂം ഉപയോഗിച്ചുള്ള പാലമൊക്കെ കടന്നായിരുന്നു യാത്ര. ഇതല്ലാതെ മറ്റു മാര്ഗ്ഗമില്ലായിരുന്നു എന്നാണ് ഇവര് പറയുന്നത്.
